ഗാന്ധിനഗർ: ഗുജറാത്തിൽ ഉപ്പ് ഫാക്ടറിയുടെ മതിൽ ഇടിഞ്ഞ് വീണ് 12 പേർ മരിച്ചു. മോർബിയിലെ സാഗർ ഉപ്പ് ഫാക്ടറിയിലാണ് അപകടം നടന്നത്.
അഞ്ച് പുരുഷന്മാരും നാല് സ്ത്രീകളും മൂന്ന് കുട്ടികളുമാണ് മരിച്ചത്. മതിലും ഉപ്പ് ചാക്കുകളും ദേഹത്തേക്ക് വീണാണ് മരണം സംഭവിച്ചത്.
സംഭവത്തിൽ പ്രധാനമന്ത്രി നരേന്ദ്രമോദി അനുശോചനം രേഖപ്പെടുത്തി. മരിച്ചവരുടെ കുടുംബങ്ങൾക്ക് രണ്ട് ലക്ഷം രൂപ ധനസഹായം പ്രഖ്യാപിച്ചു.