ബിഹാറില് മോഷണ ശ്രമത്തിനിടെ കവര്ച്ചക്കാരുടെ വെടിയേറ്റ് ജ്വല്ലറി ഉടമ കൊല്ലപ്പെട്ടു. ഹജിപുരില് കഴിഞ്ഞ ദിവസമാണ് സംഭവം.
സ്വര്ണം വാങ്ങാനെത്തിയവരും നില്ക്കുമ്പോഴാണ് മൂന്ന് മോഷ്ടാക്കള് കടയ്ക്കുള്ളില് പ്രവേശിച്ചത്. തുടര്ന്ന് ഇവര് കടയുടമയെ ഭീഷണിപ്പെടുത്തി തോക്കുകൊണ്ടും കൈകൊണ്ടും മര്ദിക്കുകയായിരുന്നു.
മോഷ്ടാക്കളെ ചെറുത്തു നില്ക്കുന്നതിനിടെയാണ് കടയുടമ സുനില് പ്രിയദര്ശിനിക്ക് വെടിയേല്ക്കുന്നത്. സംഭവത്തിന് പിന്നാലെ മോഷ്ടാക്കള് സ്ഥലം വിട്ടു.
സംഭവത്തില് പ്രതികളെ ആരെയും പോലീസ് പിടികൂടിയിട്ടില്ല. പോലീസ് അന്വേഷണം വ്യാപിപ്പിച്ചിട്ടുണ്ട്.