ദോഹ: ലോകകപ്പിലെ ഏറ്റവും മികച്ച പ്രതിരോധനിര താരമായി വിലയിരുത്തപ്പെട്ട കളിക്കാരനാണ് ക്രൊയേഷ്യയുടെ യുവ ഡിഫന്‍ഡര്‍ ജാസ്കോ ഗവാര്‍ഡിയോള്‍. ലോകകപ്പ് സെമിയില്‍ ഗവാര്‍ഡിയോളിന്‍റെ പ്രതിരോധം ഭേദിച്ചാണ് അര്‍ജന്‍റീന നായകന്‍ ലിയോണല്‍ മെസി ജൂലിയന്‍ ആല്‍വാരസിന് രണ്ടാം ഗോളിന് പന്ത് നല്‍കിയത്. ലോകകപ്പിലെ ലൂസേഴ്സ് ഫൈനലില്‍ മൊറോക്കോ നേരിാനിറങ്ങും മുമ്പ് മെസിക്കെതിരെ കളിച്ചതിനെക്കുറിച്ച് മനസുതുറക്കുകയാണ് ഗവാര്‍ഡിയോള്‍ ഇപ്പോള്‍.
അര്‍ജന്‍റീനക്കായി കളിക്കുമ്പോഴും പി എസ് ജിക്കായി കളിക്കുമ്പോഴും മെസി വ്യത്യസ്തനാ കളിക്കാരനാണെന്ന് ഗവാര്‍ഡിയോള്‍ പറഞ്ഞു. കഴിഞ്ഞ സീസണില്‍ അദ്ദേഹത്തിനെതിരെ ക്ലബ്ബ് തലത്തില്‍ കളിക്കാന്‍ എനിക്ക് അവസരം കിട്ടിയിരുന്നു. ഇപ്പോള്‍ ദേശീയ ടീമിനെതിരെയും കളിക്കാനായി. അര്‍ജന്‍റീനക്കായി കളിക്കുന്ന മെസിയും പി എസ് ജിക്കായി കളിക്കുന്ന മെസിയും രണ്ടുപേരാണെന്നും ആര്‍ബി ലെയ്പസിഗ് താരമായ ഗവാര്‍ഡിയോള്‍ പറഞ്ഞു.
