ന്യൂഡൽഹി: സിപിഎം പാർട്ടി കോണ്ഗ്രസ് അജണ്ടയിൽ സിൽവർലൈൻ പദ്ധതിയുണ്ടായിരുന്നില്ലെന്ന് ജനറൽ സെക്രട്ടറി സീതാറാം യെച്ചൂരി. സിൽവർലൈൻ പദ്ധതിക്ക് പച്ചക്കൊടി കാട്ടിയിട്ടില്ലെന്നും വരാത്ത ട്രെയിനിന് എങ്ങനെ പച്ചക്കൊടി കാട്ടുമെന്നും അദ്ദേഹം ചോദിച്ചു.
സിൽവർലൈൻ അജണ്ടയിൽ ഇല്ലാത്തതിനാൽ വിഷയം ചർച്ച ചെയ്യേണ്ട ആവശ്യം അവിടെ ഉണ്ടായിരുന്നില്ലെന്നും യെച്ചൂരി ഡൽഹിയിൽ വാർത്താസമ്മേളനത്തിൽ പറഞ്ഞു.
കേന്ദ്രസർക്കാരും സംസ്ഥാനസർക്കാരും തമ്മിൽ നിലവിൽ പദ്ധതിയെക്കുറിച്ച് ചർച്ചകൾ നടത്തി വരികയാണ്. അത് പ്രാരംഭഘട്ടത്തിലാണ്. ഇപ്പോഴതിന് പച്ചക്കൊടി കാട്ടേണ്ട കാര്യമില്ലെന്നും യെച്ചൂരി കൂട്ടിച്ചേർത്തു.
നേരത്തെ സിൽവർലൈൻ പദ്ധതിയുമായി മുന്നോട് പോകാനുള്ള അനുമതിയാണ് പാർട്ടി കോണ്ഗ്രസ് നൽകിയിരിക്കുന്നതെന്ന് മുഖ്യമന്ത്രി പിണറായി വിജയൻ പറഞ്ഞിരുന്നു.