Thursday, May 13, 2021

ലൊക്കേഷൻ ഹിസ്റ്ററി ഓഫ് ചെയ്താലും വെബ് ആൻഡ് ആപ്പ് ആക്ടിവിറ്റി സെറ്റിങ്സ് ഓൺ ആണെങ്കിൽ ഗൂഗ്ളിന് ഡാറ്റ ശേഖരിക്കാൻ കഴിയും

Must Read

സിഡ്​നി: ആൻഡ്രോയിഡ് മൊബൈൽ ഉപകരണങ്ങളിലൂടെ ശേഖരിച്ച വ്യക്തിഗത ലൊക്കേഷൻ ഡാറ്റയുമായി ബന്ധപ്പെട്ട്​ ഗൂഗിൾ ചില ഉപഭോക്താക്കളെ തെറ്റിധരിപ്പിച്ചെന്ന്​ ആസ്‌ട്രേലിയയിലെ ഫെഡറൽ കോടതിയതായി രാജ്യത്തെ കോമ്പറ്റീഷൻ റെഗുലേറ്റർ അറിയിച്ചു. സംഭവത്തിൽ ഗൂഗ്​ളിന്‍റെ വിശദീകരണം തേടിയതായും അവർക്ക്​ പിഴയീടാക്കിയതായും ആസ്‌ട്രേലിയൻ കോമ്പറ്റീഷൻ ആന്‍റ്​ കൺസ്യൂമർ കമ്മീഷൻ (എ.സി.സി.സി) അറിയിച്ചു.

“ഉപയോക്താക്കൾക്ക്, പ്രത്യേകിച്ച് ഓൺ‌ലൈനിൽ അവരുടെ സ്വകാര്യതയെക്കുറിച്ച് ആശങ്കയുള്ള ഏതൊരാൾക്കും ഇത് ഒരു സുപ്രധാന വിജയമാണ്, കാരണം കോടതിയുടെ തീരുമാനം ഗൂഗ്​ളിനും അതുപോലുള്ള മറ്റ്​ വൻകിട ബിസിനസുകാർക്കും ഉപഭോക്താക്കളെ തെറ്റിധരിപ്പിക്കരുതെന്ന് ശക്തമായ സന്ദേശം നൽകുന്നുണ്ട്​”. -എ.സി.സി.സി ചെയർമാൻ റോഡ് സിംസ്​ പ്രസ്താവനയിൽ പറഞ്ഞു.

ലൊക്കേഷൻ ഡാറ്റ ശേഖരണം, ലൊക്കേഷൻ ഹിസ്റ്ററി, ‘വെബ് & അപ്ലിക്കേഷൻ പ്രവർത്തനം’ എന്നിവയുമായി ബന്ധപ്പെട്ട ഗൂഗ്​ളിന്‍റെ പ്രത്യേകമായ ക്രമീകരണങ്ങളെ ചുറ്റിപ്പറ്റിയാണ് കേസ്​. യൂസർമാരുടെ ഉപകരണങ്ങളിലെ 2017 ജനുവരി മുതൽ 2018 ഡിസംബർ വരെയുള്ള ലൊക്കേഷൻ ഹിസ്റ്ററി സെറ്റിങ്​സിൽ നിന്ന് മാത്രമേ വിവരങ്ങൾ ശേഖരിക്കാൻ കഴിയൂ എന്ന് ഗൂഗിൾ തെറ്റായി അവകാശപ്പെട്ടതായി കോടതി കണ്ടെത്തി.

വെബ്, ആപ്ലിക്കേഷൻ പ്രവർത്തനം (Web & App Activity) നിയന്ത്രിക്കുന്നതിനുള്ള ഒരു സെറ്റിങ്​സ്​, ഓണായിരിക്കുമ്പോഴും ഡാറ്റ ശേഖരിക്കാനും അവ സംഭരിക്കാനും ഉപയോഗിക്കാനും ഗൂഗ്​ളിനെ കഴിയുന്നുണ്ടെന്നാണ്​​ മുന്നറിയിപ്പ്​ നൽകുന്നത്​​. ഇത്​ ഡിവൈസുകളിൽ യൂസർമാരറിയാതെ ഓണായിക്കിടക്കുന്നുവെന്നും അധികൃതർ ചൂണ്ടിക്കാട്ടുന്നു.

ലൊക്കേഷൻ ഹിസ്റ്ററി ഓഫ്​ ചെയ്​താലും വെബ്​ ആൻഡ്​ ആപ്പ്​ ആക്​ടിവിറ്റി സെറ്റിങ്​സ്​ ഓൺ ആണെങ്കിൽ ഗൂഗ്​ളിന്​ ഡാറ്റ ശേഖരിക്കാൻ കഴിയുമെന്ന സുപ്രധാന വിവരം യൂസർമാരെ ഗൂഗ്​ൾ ബോധ്യപ്പെടുത്തിയിട്ടില്ലെന്നും കോടതി വ്യക്​തമാക്കുന്നു. എന്തായാലും സംഭവവുമായി ബന്ധപ്പെട്ട്​ ഗൂഗ്​ളിൽ നിന്നും ഭീമൻതുക നഷ്​ടപരിഹാരമായി ഈടാക്കാനുള്ള ഒരുക്കത്തിലാണ്​ ആസ്​ട്രേലിയൻ കോമ്പറ്റീഷൻ കമീഷൻ അധികൃതർ.

അതേസമയം, വിഷയത്തിൽ ഗൂഗ്​ൾ പ്രതികരണമറിയിച്ചിട്ടുണ്ട്​. എ.സി.സി.സിയുടെ മിക്ക അവകാശവാദങ്ങളും കോടതി നിരസിച്ചിട്ടുണ്ടെന്നും ശേഷിക്കുന്ന കണ്ടെത്തലുകളോട് ഞങ്ങൾ വിയോജിക്കുന്നുതായും, സാധ്യമായ അപ്പീൽ ഉൾപ്പെടെ ഞങ്ങളുടെ സാധ്യതകൾ അവലോകനം ചെയ്യുകയാണെന്നും ഗൂഗ​്​ൾ വക്താവ് അറിയിച്ചു.

English summary

Google can collect data if location history is turned off and web and app activity settings are on

Leave a Reply

Latest News

ഉത്തർപ്രദേശിൽ മലയാളി നഴ്സ് കോവിഡ് ബാധിച്ച് മരിച്ചു

ലക്നോ: ഉത്തർപ്രദേശിൽ മലയാളി നഴ്സ് കോവിഡ് ബാധിച്ച് മരിച്ചു. കൊല്ലം നെട്ടയം സ്വദേശിനി ആർ. രഞ്ചു (29) ആണ് മരിച്ചത്. മതിയായ ചികിത്സ ലഭിക്കാതെയാണ് രഞ്ചു...

More News