Saturday, May 15, 2021

മഹാരാഷ്ട്ര മുൻ മന്ത്രി സഞ്ജയ് ദേവ്താളെ കോവിഡ് ബാധിച്ച് മരിച്ചു

Must Read

മുംബൈ: മഹാരാഷ്ട്ര മുൻ മന്ത്രി സഞ്ജയ് ദേവ്താളെ (58) കോവിഡ് ബാധിച്ച് മരിച്ചു. നാഗ്പൂറിലെ സ്വകാര്യ ആശുപത്രിയിൽ ഞായറാഴ്ചയായിരുന്നു അന്ത്യം. രണ്ടാഴ്ച മുൻപാണ് അദ്ദേഹത്തിന് കോവിഡ് സ്ഥിരീകരിച്ചത്. ശരീരത്തിലെ ഓക്‌സിജന്റെ അളവ് കുറഞ്ഞതിനെത്തുടർന്ന് കഴിഞ്ഞദിവസം അദ്ദേഹത്തെ ആശുപത്രിയിൽ പ്രവേശിപ്പിക്കുകയായിരുന്നു. ശനിയാഴ്ച സ്ഥിതി ഗുരുതരമായി.

വിദർഭയിലെ ചന്ദ്രാപുർ സ്വദേശിയാണ് ദേവ്താളെ. കോൺഗ്രസിനെ പ്രതിനിധീകരിച്ച് വറോറ മണ്ഡലത്തിൽ നിന്നു നാലു തവണ നിയമസഭയിലെത്തിയ അദ്ദേഹം പൃഥ്വിരാജ് ചവാൻ മന്ത്രിസഭയിൽ പരിസ്ഥിതി-സാംസ്കാരിക മന്ത്രിയായിരുന്നു.

2014ൽ ലോക്സഭാ തിരഞ്ഞെടുപ്പിൽ പരാജയപ്പെട്ടതിനു പിന്നാലെ അതേ വർഷം നടന്ന നിയമസഭാ തിരഞ്ഞെടുപ്പിൽ കോൺഗ്രസ് സീറ്റ് നിഷേധിച്ചു. ഇതോടെ ദേവ്താളെ ബിജെപിയിൽ ചേർന്നു മത്സരിച്ചെങ്കിലും പരാജയപ്പെട്ടു. പിന്നാലെ അദ്ദേഹം ശിവസേനയിലെത്തി. തുടർന്ന് ബിജെപിയിലേക്കുതന്നെ മടങ്ങുകയും ചെയ്തു.

Leave a Reply

Latest News

കോഴിക്കോട് ജില്ലയിലെ 12 തദ്ദേശസ്വയംഭരണ സ്ഥാപനങ്ങളെ അതീവ ഗുരുതര മേഖലകളായി പ്രഖ്യാപിച്ചു

കോഴിക്കോട്: കോവിഡ് രോഗബാധ വർധിച്ച സാഹചര്യത്തിൽ കോഴിക്കോട് ജില്ലയിലെ 12 തദ്ദേശസ്വയംഭരണ സ്ഥാപനങ്ങളെ അതീവ ഗുരുതര മേഖലകളായി ജില്ലാ കലക്ടർ എസ്. സാംബശിവറാവു പ്രഖ്യാപിച്ചു. ടെസ്റ്റ്...

More News