Sunday, October 17, 2021

മൂന്നു വര്‍ഷം കൊണ്ട് ഗ്രാമീണ മേഖലയിലുള്ള മുഴുവന്‍ വീടുകളിലും കുടിവെള്ളം;11551.23 കോടി രൂപയുടെ പദ്ധതി; സംസ്ഥാനത്ത് 13.99 ലക്ഷം കുടിവെള്ള കണക്ഷന് അനുമതി

Must Read

ജലജീവന്‍ മിഷന്‍ പദ്ധതിയില്‍ ഉള്‍പ്പെടുത്തി ഗ്രാമീണ മേഖലയില്‍ കുടിവെള്ളം ലഭ്യമാക്കുന്നതിന് നടപ്പു സാമ്പത്തിക വര്‍ഷത്തേക്ക് 11551.23 കോടി രൂപയുടെ പദ്ധതി. സംസ്ഥാനത്ത് 13.99 ലക്ഷം കുടിവെള്ള കണക്ഷന്‍ നല്‍കാനാണ് അനുമതി ആയിരിക്കുന്നത്. ഇതിനു പുറമേ ജലത്തിന്റെ ഗുണനിലവാരം ഉറപ്പാക്കാനുള്ള വിവിധ പ്രവര്‍ത്തനങ്ങള്‍ക്കായി 112 കോടി രൂപയും വിഭാവനം ചെയ്തിട്ടുണ്ട്. ജലജീവന്‍ മിഷന്‍ സംസ്ഥാനതല കമ്മിറ്റിയുടെ ശുപാര്‍ശയുടെ അടിസ്ഥാനത്തിലാണ് പദ്ധതി പ്രഖ്യാപിച്ചിരിക്കുന്നത്.

പഞ്ചായത്തുകളുടെയും ഗുണഭോക്താക്കളുടെയും പങ്കാളിത്തത്തോടെയാണ് പദ്ധതി യാഥാര്‍ത്ഥ്യമാക്കുക. അതാതു പഞ്ചായത്തുകളുടെ കൂടി സഹകരണത്തോടെയാണ് മുഴുവന്‍ ജനങ്ങള്‍ക്കും ശുദ്ധജലം ഉറപ്പു വരുത്താനുള്ള നടപടികള്‍ സ്വീകരിക്കുന്നത്. പഞ്ചായത്തുകള്‍ക്കും പൊതുജനങ്ങള്‍ക്കും പദ്ധതിയില്‍ വലിയ പങ്കാണ് വഹിക്കാനുള്ളത്. ജനങ്ങള്‍ക്കിടയില്‍ പദ്ധതിയെക്കുറിച്ച് അവബോധം സൃഷ്ടിക്കുന്നതിന് 270 കോടി രൂപയും നീക്കിവയ്ക്കുമെന്ന് മന്ത്രി റോഷി അഗസ്റ്റിന്‍ അറിയിച്ചു.

മൂന്നു വര്‍ഷം കൊണ്ട് ഗ്രാമീണ മേഖലയിലുള്ള മുഴുവന്‍ വീടുകളിലും കുടിവെള്ളം എത്തിക്കുക എന്ന ഉദ്ദേശ്യത്തോടെയാണ് കേന്ദ്ര സംസ്ഥാന സര്‍ക്കാര്‍ സംയുക്തമായി ജലജീവന്‍ മിഷന്‍ പദ്ധതി നടപ്പാക്കുന്നത്. ഗുണഭോക്തൃ വിഹിതമായി ചെറിയ തുക മാത്രമാണ് പൊതുജനങ്ങള്‍ നല്‍കേണ്ടി വരുന്നത്.

Leave a Reply

Latest News

താമരശേരി ചുരത്തിൽ എട്ടാം വളവിനും ഒൻപതാം വളവിനും ഇടയിൽ മണ്ണിടിഞ്ഞു

വ​ട​ക്ക​ൻ കേ​ര​ള​ത്തി​ലും മ​ഴ ക​ന​ക്കു​ന്നു. താ​മ​ര​ശേ​രി ചു​ര​ത്തി​ൽ എ​ട്ടാം വ​ള​വി​നും ഒ​ൻ​പ​താം വ​ള​വി​നും ഇ​ട​യി​ൽ മ​ണ്ണി​ടി​ഞ്ഞു. ശ​നി​യാ​ഴ്ച വൈ​കി​ട്ടാ​ണ് സം​ഭ​വം.ഇ​തേ തു​ട​ർ​ന്ന് ഗ​താ​ഗ​തം പൂ​ർ​ണ​മാ​യും ത​ട​സ​പ്പെ​ട്ടു....

More News