Sunday, September 26, 2021

കോൺഗ്രസ് ത്രിപുര സംസ്ഥാന അധ്യക്ഷൻ പിജുഷ് കാന്തി ബിശ്വാസ് പാർട്ടിയിൽ നിന്ന് രാജിവെച്ചു

Must Read

അഗർത്തല: കോൺഗ്രസിൽ നിന്ന് നേതാക്കളുടെ കൊഴിഞ്ഞു പോക്ക് തുടരുന്നു. കോൺ​ഗ്രസ് ത്രിപുര സംസ്ഥാന അധ്യക്ഷൻ പിജുഷ് കാന്തി ബിശ്വാസ് പാർട്ടിയിൽ നിന്ന് രാജിവെച്ചു. മമതാ ബാനർജിയുടെ തൃണമൂൽ കോൺഗ്രസിൽ ചേരുമെന്നാണ് റിപ്പോർട്ടുകൾ. എന്നാൽ താൻ രാഷ്ട്രീയത്തിൽ നിന്ന് വിരമിക്കുകയാണെന്നും മറ്റൊരു പാർട്ടിയിൽ ചേരാൻ ഉദ്ദേശമില്ലെന്നുമായിരുന്നു പിജുഷിന്റെ പ്രതികരണം.

‘ഞാൻ ടിപിസിസി പ്രസിഡന്റ് (ആക്ടിങ്) ആയിരുന്ന സമയത്ത് നിങ്ങൾ നൽകിയ സഹകരണത്തിന് എല്ലാ കോൺഗ്രസ് നേതാക്കൾക്കും പ്രവർത്തകർക്കും ആത്മാർത്ഥമായ നന്ദി പറയുന്നു. ഇന്ന് ഞാൻ പ്രസിഡന്റ് സ്ഥാനം രാജിവെച്ച് രാഷ്ട്രീയത്തിൽ നിന്നു വിരമിച്ചു. സോണിയ ഗാന്ധിക്ക് എന്റെ ആത്മർത്ഥമായ നന്ദി’- പിജുഷ് ട്വിറ്ററിൽ കുറിച്ചു.

ഒരാഴ്ചയ്ക്കിടെ കോൺഗ്രസിന്റെ രണ്ടാമത്തെ പ്രബല നേതാവാണ് പാർട്ടി വിടുന്നത്. മഹിളാ കോൺഗ്രസ് ദേശീയ അധ്യക്ഷ സുഷ്മിത ദേബ് ദിവസങ്ങൾക്ക് മുമ്പ് കോൺഗ്രസ് വിട്ടിരുന്നു. പിന്നാലെ അവർ തൃണമൂലിൽ ചേരുകയുണ്ടായി. ത്രിപുരയിൽ തെരഞ്ഞെടുപ്പ് നടക്കാനിരിക്കെ സംസ്ഥാനത്തെ പ്രവർത്തനങ്ങൾ തൃണമൂൽ സജീവമാക്കിയിട്ടുണ്ട്.

Leave a Reply

Latest News

കരിപ്പൂര്‍ സ്വര്‍ണക്കടത്ത്‌ കേസില്‍ കൊടുവള്ളി സ്വദേശികള്‍ക്ക്‌ ബംഗളുരുവില്‍ ഒളിത്താവളമൊരുക്കിയയാള്‍ അറസ്‌റ്റില്‍

മലപ്പുറം: കരിപ്പൂര്‍ സ്വര്‍ണക്കടത്ത്‌ കേസില്‍ കൊടുവള്ളി സ്വദേശികള്‍ക്ക്‌ ബംഗളുരുവില്‍ ഒളിത്താവളമൊരുക്കിയയാള്‍ അറസ്‌റ്റില്‍. കൊടുവള്ളി സ്വദേശി മുഹമ്മദ്‌ ബഷീറി(ചിന്നന്‍ ബഷീര്‍ 47) നെയാണ്‌ ബംഗളുരുവില്‍നിന്നു പ്രത്യേക അന്വേഷണ...

More News