Friday, June 25, 2021

കോവിഡ് പ്രതിരോധ കുത്തിവെപ്പ് നൽകിയിട്ടുണ്ടോ ഇല്ലയോ എന്ന് അഞ്ച് മിനിറ്റിനുള്ളിൽ സ്ഥിരീകരിക്കാൻ രക്ത പരിശോധന; പുതിയ സാങ്കേതിക വിദ്യ വികസിപ്പിച്ച് അമേരിക്ക

Must Read

ഒരാൾക്ക് കോവിഡ് പ്രതിരോധ കുത്തിവെപ്പ്​ നൽകിയിട്ടുണ്ടോ ഇല്ലയോ എന്ന് അഞ്ച്​ മിനിറ്റിനുള്ളിൽ സ്ഥിരീകരിക്കാൻ കഴിയും.

കോവിഡിനെതിരായ വാക്​സിൻ എടുത്തിട്ടുണ്ടോ എന്ന്​ രക്​തം പരിശോധിച്ച്​ മനസ്സിലാക്കുന്ന സാ​ങ്കേതിക വിദ്യ വികസിപ്പിച്ചെടുത്ത്​ അമേരിക്കയിലെ ജോൺസ് ഹോപ്​കിൻസ് സർവകലാശാലയിലെ ഗവേഷകർ.

ലോകത്തിൻെറ വിവിധ ഭാഗങ്ങൾ അടച്ചുപൂട്ടലുകൾക്ക്​ ശേഷം വീണ്ടും തുറക്കുകയാണ്​. പല നാടുകളിലേക്കും​ സഞ്ചരിക്കണമെങ്കിൽ കോവിഡ്​ വാക്​സിൻ സർട്ടിഫിക്കറ്റ്​ വേണമെന്ന നിബന്ധനകളുണ്ട്​. പുതിയ സാ​ങ്കേതി വിദ്യയിലൂടെ ഇത്തരം നടപടികൾ ഒഴിവാക്കാൻ സാധിക്കും. വിമാനത്താവളം, സ്റ്റേഡിയങ്ങൾ എന്നിവിടങ്ങളിലും ഈ സംവിധാനം ഏറെ​ പ്രയോജനപ്പെടുമെന്ന്​ ഗവേഷകർ പറയുന്നു.

രക്​തഗ്രൂപ്പ്​ പരിശോധിക്കാനുള്ള സംവിധാനത്തിന്​ സമാനമായ രീതിയിലാണ്​ ഇതിൻെറയും പ്രവർത്തനം. രക്​തം ചെറിയ കാർഡിൽ ഇറ്റിക്കു​േമ്പാൾ ആൻറിബോഡി ഉണ്ടോയെന്ന്​ മനസ്സിലാക്കാൻ സാധിക്കും. കോവിഡ് ആൻറിബോഡികളെ കണ്ടെത്തുന്ന കാർഡിൽ ഗവേഷണ സംഘം വികസിപ്പിച്ചെടുത്ത ഫ്യൂഷൻ പ്രോട്ടീൻ അടങ്ങിയിട്ടുണ്ട്​.

ആൻറിബോഡികൾ കണ്ടെത്താനുള്ള നിലവിലെ ലാറ്ററൽ ഫ്ലോ ടെസ്റ്റുകളേക്കാൾ വേഗത്തിൽ ഫലം ലഭിക്കുമെന്നതാണ്​ ഇതിൻറെ പ്രത്യേകത. കൂടാതെ, ഏറെ കൃത്യമായ ഫലമാണ്​ ഇത്​ നൽകുന്നതെന്നും ഗവേഷകർ വ്യക്​തമാക്കി.

വിവിധ രാജ്യങ്ങൾ ഏർപ്പെടുത്തിയ സർട്ടിഫിക്കറ്റ്​, വാക്​സിൻ കാർഡ്​ എന്നിവക്ക്​ പകരം ഈ സംവിധാനം ഉപയോഗിക്കാമെന്ന് ഗവേഷകനായ റോബർട്ട് ക്രൂസ് പറഞ്ഞു. 400 രക്തസാമ്പിളുകളിൽ നടത്തിയ പരിശോധനയിൽ, മുമ്പ് രോഗം ബാധിച്ച രോഗികളിൽ 87.5 ശതമാനം പേരിലും ആൻറിബോഡികൾ ശരിയായി തിരിച്ചറിഞ്ഞു. ഇത്​ നിലവിൽ ആശുപത്രികളിൽ നടത്തുന്ന പരിശോധനകളേക്കാൾ ഉയർന്ന നിരക്കാണ്

Leave a Reply

Latest News

ബി. സന്ധ്യ പോലീസ് മേധാവി ആയാൽ അതൊരു ചരിത്രമാകും; സംസ്ഥാനത്തിനൊരു വനിതാ പോലീസ് മേധാവി; സാഹിത്യകാരി, കവയത്രി, ഗാനരചയിതാവ്… വിശേഷണങ്ങൾ ഏറെ

സൂര്യ സുരേന്ദ്രൻ തിരുവനന്തപുരം: സംസ്ഥാനത്ത് ചരിത്രം തിരുത്തി കുറിച്ച് വനിത പോലീസ് മേധാവി എത്തിയേക്കും.   അന്തിമ പട്ടികയിൽ ഇടം പിടിച്ച ബി.സന്ധ്യയ്ക്കാണ് സാധ്യത കൂടുതൽ. പാർട്ടിയുമായുള്ള അടുപ്പവും...

More News