Thursday, July 29, 2021

പശുക്കൾക്ക് മേൽ രാത്രിയിൽ ആസിഡ് ഒഴിക്കുന്നത് പതിവാക്കി അജ്ഞാതസംഘം

Must Read

എറണാകുളം: കോതമംഗലത്ത് കന്നുകാലികൾക്ക് നേരെ സാമൂഹ്യവിരുദ്ധരുടെ ക്രൂരത. പശുക്കൾക്ക് മേൽ രാത്രിയിൽ ആസിഡ് ഒഴിക്കുന്നത് പതിവാക്കി അജ്ഞാതസംഘം. ഒരു വർഷത്തോളമായി ആക്രമണം തുടർന്നിട്ടും പൊലീസ് നടപടിയെടുക്കാത്തതിൽ പ്രതിഷേധിച്ച് നാട്ടുകാർ.

ഒരു വർഷത്തിനുള്ളിൽ തലക്കോട് വനമേഖലയിലെ പത്തിലേറെ പശുക്കളുടെ ദേഹത്താണ് സാമൂഹ്യവിരുദ്ധ‍ർ ആസിഡ് ഒഴിച്ചത്. ഒരാഴ്ചക്കിടെ ആക്രമണത്തിനിരയായത് നാല് പശുക്കൾ. നിരന്തരം പരാതി നൽകിയിട്ടും പൊലീസ് നടപടിയെടുക്കാത്തതിൽ നാട്ടുകാരുടെ പ്രതിഷേധം ശക്തമായതിനിടെ പൊള്ളലേറ്റ കന്നുകാലികളെയും എസ്പിസിഎ ഉദ്യോഗസ്ഥരെത്തി പരിശോധിച്ചു. ഗുരുതരമായി പരിക്കേറ്റ കന്നുകാലികൾക്ക് അടിയന്തര ചികിത്സയും മരുന്നും നൽകി.

നേരത്തെ വനമേഖലയിൽ മേയാൻ വിട്ടിരുന്ന പശുക്കൾക്ക് നേരെയാണ് ആക്രമണമുണ്ടാകാറ്. ഇപ്പോൾ വീട്ടിൽ കെട്ടിയിട്ട പശുക്കളെയും വെറുതെ വിടുന്നില്ല. കാടിനുള്ളിൽ സ്ഥാപിച്ച ക്യാമറകൾ പരിശോധിച്ച് കുറ്റവാളികളെ പിടികൂടുമെന്നാണ് പൊലീസ് അറിയിച്ചിരുന്നെങ്കിലും ഇതുവരെ യാതൊരു നടപടി ഉണ്ടായിട്ടില്ല.

Leave a Reply

Latest News

സാമ്പത്തിക ബുദ്ധിമുട്ടുകള്‍ കാരണം നിയമ ബിരുദ കോഴ്‌സ് പൂര്‍ത്തിയാക്കാനായില്ലെന്ന് വ്യാജ അഭിഭാഷക സെസിസേവ്യർ

കൊച്ചി: സാമ്പത്തിക ബുദ്ധിമുട്ടുകള്‍ കാരണം നിയമ ബിരുദ കോഴ്‌സ് പൂര്‍ത്തിയാക്കാനായില്ലെന്ന് വ്യാജ അഭിഭാഷക സെസിസേവ്യർ. കോടതിയിൽ വ്യാജമായി പ്രാക്ടീസ് നടത്തിയ കേസിലെ പ്രതി സെസി സേവ്യര്‍ ഹൈക്കോടതിയിൽ...

More News