Saturday, May 15, 2021

ഓക്സിജൻ ലഭ്യതക്കുറവിന് അല്പം ആശ്വാസമുണ്ടെങ്കിലും ഡൽഹിയിൽ മരണനിരക്കിനു കുറവൊന്നുമില്ല

Must Read

ന്യൂഡൽഹി: ഓക്സിജൻ ലഭ്യതക്കുറവിന് അല്പം ആശ്വാസമുണ്ടെങ്കിലും ഡൽഹിയിൽ മരണനിരക്കിനു കുറവൊന്നുമില്ല. കഴിഞ്ഞ കുറച്ചുദിവസങ്ങളായി ഡൽഹിയിൽ പ്രതിദിനം മുന്നൂറിലധികം മരണങ്ങളാണ് റിപ്പോർട്ട് ചെയ്യുന്നത്. മൃതദേഹങ്ങളുമായി ഇരുപതു മണിക്കൂർ വരെയാണു പൊരിവെയിലത്തും ഇരുളിലും പലരും ഊഴവും കാത്തിരിക്കുന്നത്. ശ്മശാനങ്ങളിൽനിന്ന് ശ്മശാനങ്ങളിലേക്കും ദഹിപ്പിക്കാനവസരം കിട്ടുംവരെ മൃതദേഹം സൂക്ഷിക്കാൻ ശീതീകരണ സംവിധാനം തേടിയും ഉള്ള കരളലിയിക്കുന്ന യാത്രകളാണ് ഡൽഹിയിലെങ്ങും.

ഡൽഹി മുനിസിപ്പൽ കോർപ്പറേഷനു കീഴിലെ 26 ശ്മശാനങ്ങളിലും മൃതദേഹങ്ങളുടെ നീണ്ട വരിയാണ്. ദഹിപ്പിക്കാൻ ആവശ്യത്തിന് തറകളില്ല. ഗാസിപ്പുർ ശ്മശാനത്തിൽ വാഹനം പാർക്കു ചെയ്യുന്ന സ്ഥലത്ത് 20 തറകൾകൂടി പണിതു. വസീറാബാദിൽ പത്തും. സീമാപുരിയിലും പാർക്കിങ് മേഖലയെ ശവസംസ്കാരത്തിനായി ഉപയോഗിച്ചു തുടങ്ങി.

ദ്വാരക സെക്ടർ 29ലെ നായ്ക്കളെ സംസ്കരിക്കുന്നതിനുളള ശ്മശാനത്തിൽ മനുഷ്യരുടെ മൃതദേഹങ്ങൾ സംസ്കരിക്കാനുളള താല്ക്കാലിക സംവിധാനം ഒരുക്കിയിരിക്കുകയാണ് കോർപറേഷൻ അധികൃതർ. മൂന്നു ഏക്കർ വരുന്ന ശ്മശാനം ആറുമാസങ്ങൾക്ക് മുമ്പാണ് നിർമിക്കുന്നത്. എന്നാൽ ഇത് പ്രവർത്തനം ആരംഭിച്ചിരുന്നില്ല.

പ്രതിദിനം സംസ്കരിക്കുന്ന മൃതദേഹങ്ങളുടെ എണ്ണം 15 ശതമാനം മുതൽ 20 ശതമാനം വരെ ഉയരുകയാണ്. ദിവസം ആയിരം മൃതദേഹങ്ങൾ സംസ്കരിക്കുന്നതിലേക്ക് ഡൽഹി താമസിയാതെ എത്തിച്ചേരുമെന്നാണ് അധികൃതർ കണക്കുകൂട്ടുന്നത്. അതിനാൽ ശ്മശാനങ്ങളുടെ ശേഷി വർധിപ്പിച്ചുകൊണ്ടിരിക്കുകയാണ് ഡൽഹി

Leave a Reply

Latest News

കോഴിക്കോട് ജില്ലയിലെ 12 തദ്ദേശസ്വയംഭരണ സ്ഥാപനങ്ങളെ അതീവ ഗുരുതര മേഖലകളായി പ്രഖ്യാപിച്ചു

കോഴിക്കോട്: കോവിഡ് രോഗബാധ വർധിച്ച സാഹചര്യത്തിൽ കോഴിക്കോട് ജില്ലയിലെ 12 തദ്ദേശസ്വയംഭരണ സ്ഥാപനങ്ങളെ അതീവ ഗുരുതര മേഖലകളായി ജില്ലാ കലക്ടർ എസ്. സാംബശിവറാവു പ്രഖ്യാപിച്ചു. ടെസ്റ്റ്...

More News