Thursday, May 13, 2021

കോവിഡ് വാക്സിൻ വിതരണം; നടപടികളുടെ പുരോഗതി വിലയിരുത്താൻ പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ഉന്നതതല യോഗം

Must Read

ന്യൂഡൽഹി: കോവിഡ് വാക്സിൻ വിതരണം സംബന്ധിച്ച നടപടികളുടെ പുരോഗതി വിലയിരുത്താൻ പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ഉന്നതതല യോഗം ചേർന്നു. വിദേശകാര്യ സെക്രട്ടറി ഹർഷവർധൻ ശൃംഗ്ല, നീതി ആയോഗ് അംഗം വികെ പോൾ, കേന്ദ്ര കാബിനറ്റ് സെക്രട്ടറി രാജീവ് ഗൗബ, പ്രധാനമന്ത്രിയുടെ പ്രിൻസിപ്പൽ സെക്രട്ടറി ഡോ.പി.കെ മിശ്ര, പ്രധാനമന്ത്രിയുടെ ഓഫീസ്, കേന്ദ്ര ആരോഗ്യ – കുടുംബക്ഷേമ മന്ത്രാലയം, കേന്ദ്ര ശാസ്ത്ര- സാങ്കേതിക മന്ത്രാലയം എന്നിവയിലെ ഉന്നത ഉദ്യോഗസ്ഥർ വെർച്വൽ യോഗത്തിൽ പങ്കെടുത്തു.

വാക്സിൻ വികസിപ്പിക്കൽ, അനുമതി നൽകൽ, സമാഹരിക്കൽ തുടങ്ങിയവയെപ്പറ്റി യോഗം ചർച്ച ചെയ്തുവെന്ന് പ്രധാനമന്ത്രി ട്വീറ്റ് ചെയ്തു. വാക്സിൻ ലഭ്യമാക്കുമ്പേൾ ഏതൊക്കെ വിഭാഗങ്ങൾക്ക് മുൻഗണന നൽകണം, ആരോഗ്യ പ്രവർത്തകർക്ക് വാക്സിൻ ലഭ്യമാക്കൽ, ശീതീകരണ സംവിധാനങ്ങൾ ഏർപ്പെടുത്തൽ തുടങ്ങിയവയും ചർച്ചാവിഷയമായെന്നും പ്രധാനമന്ത്രി വ്യക്തമാക്കി.

ലോകത്തെ മുൻനിര വാക്സിൻ നിർമ്മാതാക്കളുമായി ചർച്ച നടത്തിക്കഴിഞ്ഞുവെന്ന് കേന്ദ്ര സർക്കാർ വ്യക്തമാക്കിയിട്ടുണ്ട്. ഫൈസർ, മോഡേണ എന്നീ കമ്പനികൾ തങ്ങളുടെ കോവിഡ് വാക്സിൻ 90 ശതമാനത്തിലധികം ഫലപ്രദമാണെന്ന് വ്യക്തമാക്കിയതിനു പിന്നാലെ അവരുമായി ബന്ധപ്പെട്ടുവെന്ന് കേന്ദ്ര സർക്കാർ വൃത്തങ്ങൾ പറഞ്ഞിരുന്നു.

രാജ്യത്ത് എത്രയും വേഗം കോവിഡ് വാക്സിൻ ലഭ്യമാക്കുമെന്നും ശീതീകരണ സംവിധാനങ്ങളടക്കം ഉടൻ സജ്ജമാക്കുമെന്നും രാജ്യാന്തര വേദികളിലടക്കം പ്രധാനമന്ത്രി നരേന്ദ്ര മോദി പറഞ്ഞിരുന്നു. അടുത്ത മൂന്നോ നാലോ മാസത്തിനകം കോവിഡ് വാക്സിൻ രാജ്യത്ത് ലഭ്യമാക്കുമെന്ന് ആരോഗ്യമന്ത്രി ഹർഷ വർധൻ കഴിഞ്ഞ ദിവസം പറഞ്ഞിരുന്നു. കോവിഡ് പോരാളികൾക്കും ആരോഗ്യ പ്രവർത്തകർക്കും മുൻഗണന നൽകും. പ്രായമുള്ളവർക്കാവും അതിനുശേഷം വാക്സിൻ നൽകുകയെന്നും അദ്ദേഹം പറഞ്ഞിരുന്നു.

English summary

A high-level meeting chaired by Prime Minister Narendra Modi was held to assess the progress of the Kovid vaccine drive

Leave a Reply

Latest News

ഇസ്രായേലിന് സ്വയം പ്രതിരോധിക്കാനുള്ള എല്ലാ അവകാശവും ഉണ്ടെന്ന് ബൈഡൻ

വാഷിങ്ടൺ: ഇസ്രായേൽ-പാലസ്തീൻ സംഘർഷത്തിൽ അയവ് കൊണ്ടുവരാനുള്ള അമേരിക്കയുടെ നയതന്ത്ര നീക്കങ്ങൾ തുടരുന്നു. ഇസ്രായേൽ പ്രധാനമന്ത്രിയുമായി സംസാരിച്ചതായി അമേരിക്കൻ പ്രസിഡന്റ് ജോ ബൈഡൻ പറഞ്ഞു. എത്രയും പെട്ടെന്ന്...

More News