ബയാദ്: ഗുജറാത്തിലെ ആരവല്ലി ജില്ലയിൽ ദളിത് യുവാവിന്‍റെ വിവാഹഘോഷ യാത്രയിൽ ഒരുകൂട്ടം ആളുകൾ കല്ലെറിഞ്ഞു. യുവാവിന്‍റെ ബന്ധുക്കളിൽ ചിലർ പരമ്പരാഗത തലപ്പാവ് ധരിക്കുന്നതിനെയും ഡിജെ മ്യൂസിക് സിസ്റ്റം ഉപയോഗിച്ചതിനെയും ഇവർ എതിർത്തിരുന്നതായും ആരോപണമുണ്ട്.
ചൊവ്വാഴ്ച വൈകുന്നേരം ബയാദ് പട്ടണത്തിനടുത്തുള്ള ലിഞ്ച് ഗ്രാമത്തിലേക്കു പോയ വിവാഹസംഘത്തിനു നേരെയാണ് ആക്രമണമുണ്ടായത്. ഗ്രാമത്തിലെ ഒമ്പത് രജ്പുത് സമുദായാംഗങ്ങൾക്കെതിരേ പോലീസ് എഫ്ഐആർ രജിസ്റ്റർ ചെയ്തതായി അംബാലിയാര പോലീസ് സ്റ്റേഷനിലെ ഇൻസ്പെക്ടർ ആർ.എം. ദാമോദർ അറിയിച്ചു.
വിവാഹസംഘം ഗ്രാമത്തിലേക്കു പ്രവേശിക്കുന്നതിനിടെയാണ് കല്ലേറുണ്ടാതെന്ന് വധുവിന്‍റെ ബന്ധു നൽകിയ പരാതിയെ ഉദ്ധരിച്ച് പോലീസ് പറ‍യുന്നു. വിവാഹസംഘത്തിനുനേരേ ജാതീയാധിക്ഷേപങ്ങൾ നടത്തിയതായും പരാതിയിലുണ്ട്.
English summary
A group of people pelted stones at a Dalit youth’s wedding procession in Gujarat ‘s Aravalli district
