മലപ്പുറം: അതിഥി തൊഴിലാളികൾക്ക് യാത്രാസൗകര്യം ഏർപ്പെടുത്തിയെന്ന് വ്യാജപ്രചരണം നടത്തിയ കേസിൽ ഒരാൾ അറസ്റ്റിൽ. മലപ്പുറം എടവണ്ണ സ്വദേശി സാക്കിർ തുവ്വക്കാടാണ് അറസ്റ്റിലായത്. ഇയാൾകക്കെതിരെ പോലീസ് കേസെടുത്തിരുന്നു. മലപ്പുറം ജില്ലാ കളക്ടർ ജാഫർ മാലിക് ഐ.എ.എസാണ് കേസെടുത്തകാര്യം ഫെയ്സ്ബുക്ക് കുറിപ്പിലൂടെ അറിയിച്ചത്.
തിങ്കളാഴ്ച രാത്രി അതിഥിതൊഴിലാളികൾക്ക് വീടുകളിലേക്ക് പോകാൻ ട്രെയിൻ ഏർപ്പെടുത്തിയെന്നായിരുന്നു പ്രചരണം. ഇത് വ്യാജവും അടിസ്ഥാനരഹിതവുമാണെന്നും ജില്ലാ കളക്ടർ അറിയിച്ചു. ഇത്തരം വാർത്തകൾ പ്രചരിപ്പിക്കുന്നവർക്കെതിരെ കർശന നടപടികൾ സ്വീകരിക്കുമെന്നും കളക്ടർ അറിയിച്ചു.
