നിലമ്പൂര്: നിലമ്പൂര് ഫോറസ്റ്റ് ഓഫീസ് അടിച്ചു തകര്ത്ത കേസില് ജാമ്യം ലഭിച്ച പി വി അന്വര് എംഎല്എ ജയിലില് നിന്ന് പുറത്തിറങ്ങി.
അന്വറിനെ സ്വീകരിക്കാന് ഡിഎംകെ പ്രവര്ത്തകര് അടക്കം നിരവധി പേരാണ് ജയിലിന് പുറത്ത് കാത്തുനിന്നത്. 18 മണിക്കൂറുകളുടെ ജയിൽ വാസത്തിന് ശേഷമാണ് അൻവർ പുറത്തിറങ്ങിയത്.
പിവി അൻവറിന് അഭിവാദ്യം അര്പ്പിച്ച് ജയിലിന് പുറത്ത് പ്രവര്ത്തകര് മുദ്രാവാക്യം മുഴക്കി. ജയിലിന് പുറത്ത് പിവി അനവറിന് വൻ സ്വീകരണമാണ് പ്രവര്ത്തകര് നൽകിയത്.
ഫേറസ്റ്റ് ഓഫീസ് അടിച്ചു തകര്ത്ത കേസില് ഇന്ന് വൈകിട്ടോടെയായിരുന്നു പി വി അന്വര് എംഎല്എയ്ക്ക് ജാമ്യം ലഭിച്ചത്. നിലമ്പൂര് ഫസ്റ്റ് ക്ലാസ് കോടതിയായിരുന്നു ജാമ്യം അനുവദിച്ചത്.
ജാമ്യം അനുവദിച്ചുകൊണ്ടുള്ള കോടതി ഉത്തരവ് ഏഴരയോടെ തവനൂര് സബ് ജയിലില് എത്തിച്ചിരുന്നു. ഇതിന് പിന്നാലെയാണ് ജയില്മോചനം സാധ്യമായത്.
അന്പതിനായിരം രൂപയുടെ വീതം രണ്ട് ആള്ജാമ്യം, ഒന്നിടവിട്ട ബുധനാഴ്ചകളില് അന്വേഷണ ഉദ്യോഗസ്ഥന് മുന്നില് ഹാജരാകണം, പൊതുമുതല് നശിപ്പിച്ചതിന് 35,000 രൂപ കെട്ടിവെയ്ക്കണം തുടങ്ങിയ വ്യവസ്ഥകളോടെയാണ് അന്വറിന് ജാമ്യം അനുവദിച്ചത്.
