ആലപ്പുഴ: ഒരു നിമിഷം കൊണ്ട് പ്രിയപ്പെട്ട വിദ്യാര്ത്ഥികളെ നഷ്ടപ്പെട്ട നടുക്കത്തിലാണ് വണ്ടാനം മെഡിക്കല് കോളേജ്. കോളേജ് ഹോസ്റ്റലില് താമസിക്കുകയായിരുന്ന വിദ്യാര്ത്ഥികള് വൈകീട്ടോടെ പുറത്തിറങ്ങിയിരുന്നുവെന്നും ഇതിനിടെയാണ് അപകടം സംഭവിച്ചതെന്നും ആണ് വണ്ടാനം മെഡിക്കല് കോളേജ് പ്രിന്സിപ്പാള് മറിയം വര്ക്കി പറയുന്നത്.
മിടുക്കരായ വിദ്യാര്ത്ഥികളെയാണ് നഷ്ടപ്പെട്ടത്. നാല് വിദ്യാര്ത്ഥികളുടെ നില ഇപ്പോഴും ഗുരുതരമായി തുടരുകയാണ്. വിദ്യാര്ത്ഥികള്ക്ക് എന്തെങ്കിലും സംഭവിക്കുന്നത് അധ്യാപികയെന്ന നിലയില് വേദനയുണ്ടാക്കുന്ന കാര്യമാണെന്നും പ്രിന്സിപ്പാള് വ്യക്തമാക്കി.
