തിരുവനന്തപുരം: പാലോട് ഇളവട്ടത്ത് നവവധുവിനെ ഭർതൃഗ്രഹത്തിൽ മരിച്ച നിലയിൽ കണ്ടെത്തി. പാലോട് – ഇടിഞ്ഞാര് – കൊളച്ചല്- കൊന്നമൂട് സ്വദേശിനി ഇന്ദുജയാണ് (25) ആണ് മരിച്ചത്. വെള്ളിയാഴ്ച ഉച്ചയ്ക്ക് ഒന്നരയ്ക്കാണ് ഭര്ത്താവ് അഭിജിത്തി (25) ന്റെ വീട്ടിലെ രണ്ടാമത്തെ നിലയിലെ ബെഡ്റൂമില് ജനലില് തൂങ്ങിയ നിലയിലാൽ ഇന്ദുജയെ കണ്ടെത്തിയത്.
അഭിജിത്ത് ഉച്ചയ്ക്ക് വീട്ടില് ഭക്ഷണം കഴിക്കാനായി വീട്ടില് എത്തിയപ്പോഴാണ് സംഭവം അറിയുന്നത്. വീട്ടില് അഭിജിത്തിന്റെ അമ്മൂമ്മ മാത്രമേ ഉണ്ടായിരുന്നുള്ളു. ഉടന് തന്നെ നെടുമങ്ങാട് ജില്ലാ ആശുപത്രിയിലേക്ക് എത്തിച്ചെങ്കിലും മരണം സംഭവിക്കുകയായിരുന്നു. മൃതദേഹം നെടുമങ്ങാട് ജില്ലാ ആശുപത്രിയില് മോര്ച്ചറിയില് സൂക്ഷിച്ചിരിക്കുകയാണ്.
സംഭവത്തിൽ പാലോട് പോലീസ് കേസെടുത്തു. ഇന്ദുജയും അഭിജിത്തും പ്രണയിച്ചാണ് വിവാഹം കഴിച്ചത്. രണ്ട് വര്ഷത്തെ പ്രണയത്തിനൊടുവില് മൂന്ന് മാസം മുമ്പ് ഇന്ദുജയെ വീട്ടില് നിന്നും വിളിച്ചിറക്കി അമ്പലത്തില്വെച്ച് കല്യാണം കഴിക്കുകയായിരുന്നു.
പെണ്കുട്ടിയുടെ വീട്ടുകാരുമായി ഇരുവര്ക്കും ബന്ധമില്ലെന്നാണ് വിവരം. സ്വകാര്യ ലാബിലെ ജീവനക്കാരിയാണ് ഇന്ദുജ. അഭിജിത്ത് സ്വകാര്യ വാഹന കമ്പനിയിലെ ജീവനക്കാരനാണ്.
