തിരുവനന്തപുരം: സംസ്ഥാനത്തെ ഗ്രാമപഞ്ചായത്തുകള്, നഗരസഭകള്, കോര്പ്പറേഷനുകള് എന്നിവയുടെ കരട് വാര്ഡ് വിഭജനവുമായി ബന്ധപ്പെട്ട പരാതികള് ഇന്ന് കൂടി സ്വീകരിക്കും. ഇന്ന് വൈകുന്നേരം അഞ്ചിന് മുമ്പായി പരാതികളും നിര്ദേശങ്ങളും ഡീലിമിറ്റേഷന് കമ്മിഷന് സെക്രട്ടറിക്കോ ബന്ധപ്പെട്ട ജില്ലാ കളക്ടര്ക്ക് നേരിട്ടോ റജിസ്റ്റേര്ഡ് തപാല് മാര്ഗമോ നല്കാവുന്നതാണ്.
അവസാന തിയതിക്ക് ശേഷം ലഭിക്കുന്ന പരാതികള് സ്വീകരിക്കില്ല. കരട് വാര്ഡ് വിഭജന നിര്ദേശങ്ങള് നവംബര് 16 നാണ് സര്ക്കാര് പ്രസിദ്ധീകരിച്ചത്. https://www.delimitation.lsgkerala.gov.in വൈബ്സൈറ്റിലും അതത് തദ്ദേശസ്ഥാപനങ്ങളിലും വില്ലേജ് ഓഫിസുകളിലും കരട് വാര്ഡ് വിഭജന നിര്ദേശങ്ങള് ലഭ്യമാണ്. കരട് നിര്ദേശങ്ങള്ക്കൊപ്പം തദ്ദേശസ്ഥാപനത്തിന്റെ ഡിജിറ്റല് ഭൂപടവും സര്ക്കാര് പൊതുജനങ്ങള്ക്ക് ലഭ്യമാക്കിയിട്ടുണ്ട്.
വാര്ഡ് വിഭജന പരാതികള് തിരഞ്ഞെടുപ്പ് കമ്മിഷന് ഓഫിസില് സ്വീകരിക്കുന്നതല്ലെന്നും നിര്ദേശത്തില് വ്യക്തമാക്കിയിട്ടുണ്ട്. വാര്ഡ് വിഭജനം സംബന്ധിച്ച് ഡീലിമിറ്റേഷന് കമ്മിഷന് സെക്രട്ടറിക്കുള്ള പരാതികള് സെക്രട്ടറി, ഡീലിമിറ്റേഷന് കമ്മിഷന്, കോര്പറേഷന് ബില്ഡിങ് നാലാം നില, വികാസ്ഭവന് പി.ഒ, തിരുവനന്തപുരം- 695033 ഫോണ്: 0471-2335030 എന്ന വിലാസത്തിലാണ് അയയ്ക്കേണ്ടത്.
