കൊച്ചി: ഓഫീസ് സമയത്തെ ജീവനക്കാരുടെ സോഷ്യല് മീഡിയ ഉപയോഗം വിലക്കി കേരള ഹൈക്കോടതി രംഗത്ത്. ഓഫീസ് സമയങ്ങളില് ഓണ്ലൈന് ഗെയിമുകള് കളിക്കുക, സോഷ്യല് മീഡിയ ബ്രൗസ് ചെയ്യുക, സിനിമകള് കാണുക, ഓണ്ലൈന് ട്രേഡിങ്ങില് ഏര്പ്പെടുക തുടങ്ങിയവയാണ് വിലക്കിയത്.
അതേസമയം ഉച്ചഭക്ഷണ ഇടവേളകളില് ഉള്പ്പെടെ ഇതൊന്നും പാടില്ലെന്നാണ് ഉത്തരവിൽ വ്യക്തമാക്കുന്നത്. ഇത്തരം പ്രവര്ത്തനങ്ങളില് ഏര്പ്പെടുന്നത് മൂലം ജീവനക്കാര്ക്ക് ജോലിയില് നിന്നും ശ്രദ്ധ കുറയുന്നുവെന്ന കണ്ടെത്തലിനെത്തുടര്ന്നാണ് നടപടി ഉണ്ടായിരിക്കുന്നത് എന്നാണ് റിപ്പോർട്ട്.
‘പല ജീവനക്കാരും ജോലി സമയത്തും ഇടവേളയിലും ഓണ്ലൈന് ഗെയിമുകള് കളിക്കുന്നതിലും സോഷ്യല് മീഡിയ ഉള്ളടക്കം കാണുന്നതിലും ഏര്പ്പെട്ടിരിക്കുന്നു, അതുവഴി ദൈനംദിന ഓഫീസ് ജോലികള് തടസ്സപ്പെടുന്നു. ഈ പശ്ചാത്തലത്തില്, ഓഫീസ് സമയത്തും ഉച്ചഭക്ഷണ ഇടവേളയിലും ഓണ്ലൈന് ഗെയിമുകളില് ഏര്പ്പെടുന്നത് കര്ശനമായി നിരോധിച്ചിരിക്കുന്നു.’ എന്നാണ് ഹൈക്കോടതി പുറത്തിറക്കിയ സര്ക്കുലറില് വ്യക്തമാക്കുന്നത്
