റിയാദ്: സൗദി ജയിലിൽ കഴിയുന്ന അബ്ദുൽ റഹീമിന്റെ കേസ് റിയാദിലെ ക്രിമിനൽ കോടതി ഡിസംബർ എട്ടിന് പരിഗണിക്കും. അന്ന് രാവിലെ 9.30-ന് സമയം നൽകിയതായി റിയാദ് റഹിം സഹായ സമിതി അറിയിച്ചു. ഡിസംബർ എട്ടിന് മുന്നേ സമയം അനുവദിച്ചു കിട്ടാൻ വേണ്ടി റഹീമിൻറെ അഭിഭാഷകർ കോടതിയെ സമീപിക്കും.
കഴിഞ്ഞ ഞായറാഴ്ച (നവംബർ 17) മോചന ഉത്തരവുണ്ടാകും എന്ന് പ്രതീക്ഷിച്ചിരുന്നെങ്കിലും അതുണ്ടായില്ല. രണ്ടാഴ്ചക്ക് ശേഷം തീരുമാനമെടുക്കുമെന്നറിയിച്ച് മാറ്റിവെക്കുകയായിരുന്നു. റഹീമിനെ കാണാനായി റിയാദിലെത്തിയ ഉമ്മയും സഹോദരനും തിരിച്ച് നാട്ടിലെത്തി.
