കോഴിക്കോട്: കുറ്റ്യാടിപ്പുഴയില്‍ കുളിക്കാനിറങ്ങിയ രണ്ട് കുട്ടികള്‍ മുങ്ങി മരിച്ചു. പാറക്കടവ് സ്വദേശികളായ റിസ്‌വാന്‍ (14), സിനാന്‍ മജീദ് (14) എന്നിവരാണ് മരിച്ചത്. ഇരുവരും പത്താം ക്ലാസ് വിദ്യാർഥികളാണ്. പാലേരി കൈതേരിമുക്കില്‍ മേമണ്ണില്‍ താഴെ ഭാഗത്താണ് കുട്ടികള്‍ അപകടത്തിൽപ്പെട്ടത്.
പേരാമ്പ്രയില്‍ നിന്ന് അഗ്നിരക്ഷാ സേനയെത്തി കുട്ടികളെ ആശുപത്രിയിലെത്തിച്ചെങ്കിലും ഇരുവരുടെയും ജീവൻ രക്ഷിക്കാനായില്ല. മൃതദേഹങ്ങൾ പേരാമ്പ്ര ഇഎംഎസ് ആശുപത്രിയിലേക്ക് മാറ്റി.
