കൊല്ക്കത്ത: ആര്ജി കര് മെഡിക്കല് കോളജില് നടന്ന ക്രൂരമായ ബലാത്സംഗ കൊലയ്ക്ക് ശേഷം ബംഗാളിലെ ആശുപത്രിയില് വീണ്ടും നേഴ്സ് പീഡിപ്പിക്കപ്പെട്ടു. ശനിയാഴ്ച രാത്രി ബിര്ഭൂമിലെ ഇംബസാര് ഹെല്ത്ത് സെന്ററിലെ നേഴ്സിനെയാണ് ഡ്യൂട്ടിക്കിടെ രോഗി പീഡിപ്പിച്ചത്.
അത്യാഹിത വിഭാഗത്തില് ചികിത്സയിലായിരിക്കുന്ന സമയത്ത് പരിചരിച്ച നേഴ്സിനെ സ്വകാര്യ ഭാഗങ്ങളില് സ്പര്ശിക്കുകയായിരുന്നുവെന്നാണ് പരാതി. സംഭവ സമയത്ത് ഇയാള്ക്കൊപ്പം കുടുംബാംഗങ്ങളും ഉണ്ടായിരുന്നു. മോശമായി സംസാരിക്കുകയും ചെയ്തുവെന്ന് പരാതിയില് പറയുന്നുണ്ട്.സുരക്ഷയുടെ അഭാവമാണ് ഇത്തരം സംഭവങ്ങള് ഉണ്ടാകുന്നതെന്ന് പരാതിക്കാരി പറഞ്ഞു. അതിക്രമത്തെത്തുടര്ന്ന് ആശുപത്രിയില് വാക്കേറ്റമുണ്ടായി. തുടര്ന്ന് ആശുപത്രി ജീവനക്കാര് പൊലീസിനെ വിളിച്ച് വരുത്തുകയും പ്രതിയെ പിടികൂടുകയും ചെയ്തു. ഓഗസ്റ്റ് 9നാണ് ആര്ജി കര് മെഡിക്കല് കോളജ് ആശുപത്രിയിലെ സെമിനാര് ഹാളില് പിജി ഡോക്ടര് ക്രൂരമായി ബലാത്സംഗം ചെയ്ത് കൊല്ലപ്പെട്ടത്.
