കൊച്ചി: സിനിമാ നയ രൂപീകരണ സമിതിയില് നിന്ന് ബി ഉണ്ണികൃഷ്ണനെ ഒഴിവാക്കണമെന്നാവശ്യപ്പെട്ട് സംവിധായകന് വിനയന് ഹൈക്കോടതിയെ സമീപിച്ചു. തൊഴില് നിഷേധത്തിന് കോംപറ്റീഷന് കമ്മീഷന് പിഴയിട്ട വ്യക്തിയെ സമിതിയില് ഉള്പ്പെടുത്തരുത് എന്നാണ് ആവശ്യം.
നയരൂപീകരണ സമിതിയില് ഉണ്ണികൃഷ്ണന്റെ പേര് ഉള്പ്പെട്ടതില് വിനയന് ഉള്പ്പെടെ വിമര്ശനം ഉന്നയിച്ചിരുന്നു. തന്റെ പരാതിയില് കോംപറ്റീഷന് കമ്മീഷന് ശിക്ഷിച്ചയാളാണു ബി.ഉണ്ണികൃഷ്ണന് എന്നും നയരൂപീകരണ സമിതിയില് അദ്ദേഹത്തെ ഉള്പ്പെടുത്തുന്നത് അതിന്റെ സാധുതയെ തന്നെ ഇല്ലാതാക്കുമെന്നും വിനയന് ഹര്ജിയില് പറഞ്ഞു.