പാരിസ്: ഒളിംപിക്സ് അത്ലറ്റിക്സ് പോരാട്ടങ്ങള്ക്ക് ഇന്ന് തുടക്കം. ഇന്ത്യക്ക് അത്ലറ്റിക്സിന്റെ ആദ്യ ദിനത്തില് തന്നെ മെഡല് പോരാട്ടമുണ്ട്. 20 കിലോ മീറ്റര് റെയ്സ്വാക്കില് ഇന്ത്യയുടെ അക്ഷ്ദീപ്, വികാസ്, പരംജീത് സിങ് എന്നിവര് മത്സരിക്കാനിറങ്ങും. വനിതകളുടെ റെയ്സ്വാക്കിലും ഇന്ത്യന് താരം മെഡല് പോരിനിറങ്ങുന്നുണ്ട്. പ്രിയങ്ക ഗോസ്വാമിയാണ് മത്സരിക്കുന്നത്.
ഷൂട്ടിങിലും ഇന്ന് ഇന്ത്യക്ക് മെഡല് പോരാട്ടമുണ്ട്. പുരുഷന്മാരുടെ 50 മീറ്റര് റൈഫിള് 3 പൊസിഷന് പോരാട്ടത്തില് സ്വപ്നില് കുസാലെയാണ് പ്രതീക്ഷകളുമായി ഇറങ്ങുന്നത്. ബാഡ്മിന്റണ് പുരുഷ സിംഗിള്സ് പ്രീ ക്വാര്ട്ടര് ഇന്ത്യന് താരങ്ങള് തമ്മിലാണെന്ന സവിശേഷതയുമുണ്ട്. മലയാളി താരം എച്എസ് പ്രണോയ്- ലക്ഷ്യ സെന് പോരാട്ടമാണ് അവസാന 16ല്.
