ന്യൂഡല്ഹി: ബിജെപിയുടെ മുതിര്ന്ന നേതാക്കളായ എല്കെ അഡ്വാനിയെയും മുരളി മനോഹര് ജോഷിയെയും മുന് രാഷ്ട്രപതി രാംനാഥ് കോവിന്ദിന്റെയും വസതികളിലെത്തി സന്ദര്ശിച്ച് നരേന്ദ്ര മോദി. എന്ഡിഎയുടെ പാര്ലമെന്ററി പാര്ട്ടി യോഗത്തില് മുന്നണിയുടെ നേതാവായി തിരഞ്ഞെടുക്കപ്പെട്ടതിന് തൊട്ടുപിന്നാലെയായിരുന്നു മോദിയുടെ സന്ദര്ശനം.
എന്ഡിഎയുടെയും ലോക്സഭയിലെ ബിജെപിയുടെയും നേതാവായി തെരഞ്ഞെടുക്കപ്പെട്ട മോദി, രാഷ്ട്രപതി ദ്രൗപതി മുര്മുവിനെക്കണ്ട് സര്ക്കാര് രൂപവത്കരണത്തിന് ഉടന് അവകാശവാദം ഉന്നയിക്കും. ഒന്പതാം തീയതി ആറ് മണിക്കായിരിക്കും മോദിയുടെ മൂന്നാംവട്ട സത്യപ്രതിജ്ഞ.