തിരിച്ചുകയറി ഇന്ത്യാ സഖ്യം, ലീഡ് 200 കടന്നു; പോരാട്ടം കടുക്കുന്നു

0

ന്യൂഡല്‍ഹി: ലോക്‌സഭ തെരഞ്ഞെടുപ്പില്‍ വോട്ടെണ്ണല്‍ ഒന്നര മണിക്കൂര്‍ പിന്നിടുമ്പോള്‍ ഒപ്പത്തിനൊപ്പം തിരിച്ചുകയറി ഇന്ത്യാ മുന്നണി. ഇന്ത്യ സഖ്യത്തിന്റെ ലീഡ് 215 കടന്നു. കോണ്‍ഗ്രസ് 94 സീറ്റിലും സമാജ് വാദി പാര്‍ട്ടി 32 സീറ്റിലും തൃണമൂല്‍ കോണ്‍ഗ്രസ് 21 സീറ്റിലും മുന്നേറുന്നു.ആര്‍ജെഡി ഏഴിടത്തും ഡിഎംകെ 20 സീറ്റിലും മുന്നിട്ടു നില്‍ക്കുന്നു. ശിവസേന ഉദ്ധവ് താക്കറെ 7 ഉം സിപിഎം 8 സീറ്റിലും ലീഡ് ചെയ്യുന്നു. എന്‍ഡിഎ 293 സീറ്റിലാണ് മുന്നിട്ടു നില്‍ക്കുന്നത്. ബിജെപി 240 സീറ്റിലും ലീഡ് ചെയ്യുന്നു.

ടിഡിപി 17, ജെഡിയു 13 സീറ്റുകളിലും മുന്നിലാണ്. ബിജെഡി 5, വൈഎസ്ആര്‍ കോണ്‍ഗ്രസ് 3, മറ്റുള്ളവര്‍ 20 സീറ്റിലും ലീഡ് ചെയ്യുകയാണ്.

നിയമസഭ തെരഞ്ഞെടുപ്പ് നടക്കുന്ന ആന്ധ്രപ്രദേശില്‍ ടിഡിപി 47 സീറ്റിലും വൈഎസ്ആര്‍ കോണ്‍ഗ്രസ് 8, ബിജെപി 4 സീറ്റുകളിലും മുന്നിട്ടു നില്‍ക്കുന്നു. ഒഡീഷയില്‍ ബിജെഡി 26 സീറ്റിലും ലീഡ് ചെയ്യുകയാണ്. ബിജെപി 19 സീറ്റിലും കോണ്‍ഗ്രസ് രണ്ട് സീറ്റിലും മുന്നിട്ടു നില്‍ക്കുന്നു.

Leave a Reply