മലപ്പുറം: സമരത്തിനിടെ പൊതുമുതല്‍ നശിപ്പിച്ചെന്ന കേസില്‍ മന്ത്രി പി എ മുഹമ്മദ് റിയാസിന് ജാമ്യം. മലപ്പുറം ചീഫ് ജുഡീഷ്യല്‍ മജിസ്‌ട്രേറ്റ് കോടതിയില്‍ നേരിട്ട് ഹാജരായി മന്ത്രി ജാമ്യമെടുത്തു. 2018 ലെ ഡിവൈഎഫ്‌ഐ മാര്‍ച്ചിനിടെ സംഘര്‍ഷമുണ്ടായ കേസിലായിരുന്നു മന്ത്രിക്കെതിരെ വാറണ്ട്.
കെഎസ്ആര്‍ടിസി ബസിന്റെ ചില്ല് എറിഞ്ഞുതകര്‍ത്തെന്ന കേസില്‍ ഏഴാം പ്രതിയാണ് റിയാസ്. 10 പ്രതികളാണ് കേസില്‍ ആകെയുള്ളത്. 13,000 രൂപയുടെ നഷ്ടമുണ്ടായെന്നായിരുന്നു പൊലീസ് റിപ്പോര്‍ട്ട്.
