സൗഹൃദം സ്ഥാപിച്ച ശേഷം യുവതിയെ ലോഡ്ജിലെത്തിച്ച് പീഡിപ്പിച്ചെന്ന കേസിൽ യുവാവിനെ തിരുവല്ല പൊലീസ് കസ്റ്റഡിയിലെടുത്തു. യുവതിയുടെ പരാതിയിൽ തിരുമൂലപുരം ആഞ്ഞിലിമൂട് വെളുത്തകാലായിൽ ശരൺ ശശിയാണ് (32) പിടിയിലായത്.
മദ്യം വാങ്ങി നൽകിയശേഷം ചിത്രങ്ങൾ പകർത്തിയെന്നും പലപ്പോഴായി പണവും ആഭരണങ്ങളും ഫോണും ഇയാൾ അപഹരിച്ചതായും യുവതിയുടെ പരാതിയിൽ പറയുന്നു. തിരുവല്ല പൊലീസ് സ്റ്റേഷനിലെത്തി യുവതി മൊഴി കൊടുത്തതിന്റെ അടിസ്ഥാനത്തിലാണ് പ്രതിയെ കസ്റ്റഡിയിലെടുത്തത്.
ഫെബ്രുവരി മുതൽ ജൂൺ 16 വരെയുള്ള കാലയളവിൽ ചക്കുളത്തുകാവിലെ ഒരു ലോഡ്ജിലെത്തിച്ച് പലതവണ പീഡിപ്പിച്ചെന്ന് യുവതി നൽകിയ പരാതിയിൽ പറയുന്നു. ഇയാളുടെ ഫോണിൽനിന്ന് യുവതിയുടെ ഫോട്ടോകൾ അടക്കം പൊലീസ് പിടിച്ചെടുത്തു.
