ബീജിംഗ്: 24 മണിക്കൂറോളം സൈക്കിള് ചവിട്ടിയ 11 വയസ്സുകാരന്റെ കഥയാണ് ഇപ്പോള് ചൈനയിലെ സോഷ്യല് വെബ്സൈറ്റുകളില് വൈറലാവുന്നത്. സൗത്ത് ചൈന മോണിംഗ് പോസ്റ്റ് പറയുന്നതനുസരിച്ച്, 130 കിലോമീറ്റര് സൈക്കിള് ചവിട്ടിയാണ് ആണ്കുട്ടി മുത്തശ്ശിയുടെ വീട്ടിലെത്തിയത്. തന്നോട് വഴക്കിട്ട അമ്മയെക്കുറിച്ച് പരാതി പറയാനാണ് മുത്തശ്ശിയുടെ അടുത്ത് ഈ ആണ്കുട്ടി സൈക്കിള് ഓടിച്ച് എത്തിയത്.
വഴിമധ്യേ കുട്ടി ക്ഷീണിതനായി, വഴിയാത്രക്കാരില് ഒരാള് കുട്ടിയെ എക്സ്പ്രസ് വേ ടണലില് ഒറ്റയ്ക്ക് കണ്ടെത്തി. തുടര്ന്ന് അയാള് ഈ വിവരം പോലീസില് അറിയിച്ചു.കുട്ടിയെ കൂടെ കൊണ്ടുപോകാനെത്തിയ പോലീസ് ഉദ്യോഗസ്ഥരും അസാധാരണ സാഹസികത അറിഞ്ഞ് അമ്പരന്നു.അമ്മയുമായി വഴക്കിട്ട കുട്ടി അസ്വസ്ഥനായിരുന്നു എന്നതാണ് ശ്രദ്ധേയം. അമ്മയെക്കുറിച്ചുള്ള തന്റെ പരാതികള് പങ്കുവെക്കുന്നതിനായി, ഷെജിയാങ്ങിലെ മെജിയാങ്ങില് സ്ഥിതി ചെയ്യുന്ന മുത്തശ്ശിയുടെ വീട്ടിലേക്ക് സൈക്കിളില് പോകാന് അദ്ദേഹം തീരുമാനിച്ചു.
ഇടയ്ക്ക് വീട്ടില് നിന്ന് കൊണ്ടുവന്ന റൊട്ടിയും വെള്ളവും കഴിച്ച് രാത്രി മുഴുവന് യാത്ര അതിജീവിച്ചു.പോലീസ് സ്റ്റേഷനിലേക്ക് കുട്ടിയെ കൊണ്ടുപോയി. ക്ഷീണം കാരണം നടക്കാന് അവന് കഴിയാത്തതിനാല് കാറിലാണ്ഉദ്യോഗസ്ഥര് എത്തിച്ചത്. പിന്നീട് മാതാപിതാക്കളും അമ്മൂമ്മയും ചേര്ന്ന് കുട്ടിയെ സ്റ്റേഷനില് എത്തി കൂട്ടിക്കൊണ്ടുപോയി.