അവധി കഴിഞ്ഞ് തിരിച്ചെത്തുന്ന ഗാർഹിക തൊഴിലാളികളെ തൊഴിലുടമ നേരിട്ട് വിമാനത്താവളത്തിൽ സ്വീകരിക്കണമെന്ന് സൗദി. രാജ്യത്തെ ഏഴ് വിമാനത്താവളങ്ങളിൽ ഇതിനായുള്ള സൗകര്യങ്ങളൊരുക്കിയിട്ടുണ്ടെന്ന് മുസ്നെദ് പ്ലാറ്റ്ഫോം അറിയിച്ചു.
വീട്ടുവേലക്കാരുൾപ്പെടെയുള്ള എല്ലാ ഗാർഹിക തൊഴിലാളികളുടെ കാര്യത്തിലും ഈ ചട്ടം ബാധകമാണ്. എന്നാൽ ആദ്യമായി വരുന്ന ഗാർഹിക തൊഴിലാളികളെ റിക്രൂട്ടിംഗ് കമ്പനികളാണ് വിമാനത്താവളത്തിൽ നിന്നും ഏറ്റെടുക്കേണ്ടത്.