കണ്ണൂർ: കൊട്ടിയൂർ കൂനംപള്ള കോളനിയിൽ മാവോയിസ്റ്റുകളെത്തി. രണ്ട് പുരുഷന്മാരും രണ്ട് സ്ത്രീകളും അടങ്ങുന്ന തോക്കുധാരികളായ സംഘമാണ് എത്തിയത്. മാവോയിസ്റ്റുകൾക്കായി ആറളം പോലീസ് പരിശോധന തുടങ്ങി.
രാത്രി ഏഴോടെയാണ് നാലംഗ സംഘം കുനം പള്ള കോളനിയിൽ എത്തിയത്. ഭക്ഷണ സാധനങ്ങൾ ശേഖരിച്ച് പതിനൊന്നോടെ മടങ്ങി.തമിഴും ഹിന്ദിയും കലർന്ന മലയാളമാണ് ഇവർ സംസാരിച്ചിരുന്നത് എന്ന് കോളനി നിവാസികൾ പോലീസിനോട് പറഞ്ഞു.
