പാലക്കാട് പള്ളിക്കുറുപ്പ് ശബരി ഹയർ സെക്കൻഡറി സ്‌കൂളിൽ സവിധം 2023 വർണ്ണാഭമായ തുടക്കം.താരസംഗമങ്ങളാണ് ഇത്തവണത്തെ സവിധത്തെ സമ്പന്നമാക്കിയത്.ജയറാമിനും കുടുംബത്തിനും ഒപ്പം ജയംരവിയുമെത്തിയതോടെയാണ് വേദി താരസംഗമത്തിന് സാക്ഷ്യം വഹിച്ചത്.ജയറാമിനെക്കൂടാതെ ഭാര്യ പാർവതി, മകൾ മാളവിക എന്നിവരും ചടങ്ങിനെത്തി.
ഗീതാഞ്ജലി ഹൈടെക് കോൺഫറൻസ് ഹാൾ ജയം രവി ഉദ്ഘാടനം ചെയ്തു. ഹൈടെക് കിച്ചൻ ശിലാസ്ഥാപനം കെ.ശാന്തകുമാരി എംഎൽഎയും, സൗരോർജ പദ്ധതി സമർപ്പണം നടി പാർവതി ജയറാമും ഉദ്ഘാടനം ചെയ്തു.സ്‌കൂളിലെ സൗജന്യ സൈക്കിൾ വിതരണം ജയറാം ഉദ്ഘാടനം ചെയ്തു.
ജീവിതത്തിന്റെ ഏറ്റവും കാലഘട്ടത്തിലൂടെയാണു വിദ്യാർത്ഥികൾ കടന്നു പോകുന്നതെന്നും ഈ സമയങ്ങളിൽ മുൻ രാഷ്ട്രപതി ഡോ.എ.പി.ജെ.അബ്ദുൽ കലാമിന്റെ എളിമയും പ്രവർത്തനങ്ങളും എല്ലാവരും മാതൃകയാക്കണമെന്നും നടൻ ജയറാം പറഞ്ഞു. അദ്ദേഹം. ജയം രവിയുടെ പ്രസംഗവും കയ്യടികളോടെയാണ് കാണികൾ ഏറ്റെടുത്തത്.
സ്‌കൂളിൽ പ്രസിദ്ധീകരിച്ച ദ് ഡാൻ പത്രം പ്രിൻസിപ്പൽ എ.ബിജു, പ്രധാനാധ്യാപകൻ പ്രശാന്ത് മാധവൻ എന്നിവർ ചേർന്നു പ്രകാശനം ചെയ്തു. മാളവിക ജയറാം ആദ്യ പ്രതി ഏറ്റുവാങ്ങി. കാരാകുറുശ്ശി പഞ്ചായത്ത് സ്ഥിരം സമിതി അധ്യക്ഷ പ്രിയ നാരായണൻകുട്ടി കംഫർട്ട് കോംപ്ലക്‌സ് ഉദ്ഘാടനം ചെയ്തു. പഞ്ചായത്ത് അധ്യക്ഷ പി.പ്രേമലത അധ്യക്ഷയായി.
