പുനലൂര്‍: മദ്യപിച്ച് റെയില്‍പാളത്തില്‍ മൊബൈല്‍ഫോണും നോക്കി കിടന്ന യുവാവിനെ കസ്റ്റഡിയിലെടുത്തു. റെയില്‍വേ പാളത്തില്‍ കിടന്നതിനെ തുടര്‍ന്ന് കൊല്ലത്തേക്ക് പുറപ്പെട്ട ട്രെയിന്‍ 15 മിനിറ്റ് നിര്‍ത്തിയിടേണ്ടി വന്നു. ശനിയാഴ്ച വൈകിട്ട് 7.40 ന് പുനലൂര്‍ റെയില്‍വേ സ്‌റ്റേഷനില്‍ വെച്ചായിരുന്നു സംഭവം.
പുനലൂര്‍ സ്വദേശി മുഹമ്മദ് റാഫിയെയാണ് റെയില്‍വേ സംരക്ഷണ സേന അറസ്റ്റ് ചെയ്തത്. വണ്ടിക്ക് വേഗത കുറവായതിനാല്‍ അപകടം ഒഴിവായി. യുവാവിന്റെ സമ്പത്തായിട്ടായിരുന്നു വണ്ടി നിന്നത്. പുനലൂരില്‍ നിന്ന് കൊല്ലത്തേക്കുളള വണ്ടി പുറപ്പെട്ട ഉടനെയായിരുന്നു സംഭവം. ഉടന്‍ തന്നെ ആര്‍പിഎഫ് ഉദ്യോഗസ്ഥര്‍ എത്തി ഇയാളെ പാളത്തില്‍ നിന്നു നീക്കി.
എസ്‌ഐ പി സമ്പത്ത്കുമാര്‍, കോണ്‍സ്റ്റബിള്‍മാരായ കെ വിനോദ് കുമാര്‍, എം ശങ്കര്‍ലാല്‍ എന്നിവര്‍ ചേര്‍ന്നാണ് ഇയാളെ കസ്റ്റഡിയിലെടുത്തത്. തുടര്‍ന്ന് ആശുപത്രിയിലെത്തിച്ചത് വൈദ്യപരിശോധന നടത്തിയശേഷം കേസെടുക്കുകയായിരുന്നു.