പാലക്കാട്: മംഗലം ഡാം തളികക്കല്ലില് ആദിവാസി യുവതി ഉള്ക്കാട്ടിലെ തോടിനു സമീപം പ്രസവിച്ചു. സുജാതയാണ് തളിക്കലിലെ കാട്ടില് പ്രസവിച്ചത്. പ്രസവ സമയത്ത് ഭര്ത്താവും ഭര്തൃ സഹോദരിയും ഒപ്പമുണ്ടായിരുന്നു. ബന്ധുക്കള് വിവരമറിയിച്ചതിനെ തുടര്ന്ന് യുവതിയേയും കുഞ്ഞിനേയും ആശുപത്രിയിലേക്ക് മാറ്റി.
വ്യാഴാഴ്ച വൈകുന്നേരമാണ് സുജാത വനത്തിനുള്ളില് പ്രസവിച്ചത്. വയറുവേദനയെ തുടര്ന്ന് ഇവരെ ഫെബ്രുവരി 16ന് തൃശൂര് മെഡിക്കല് കോളജില് പ്രവേശിപ്പിച്ചിരുന്നു. എന്നാല് അവിടെ നില്ക്കാന് കഴിയാതെ അടുത്ത ദിവസം തന്നെ വീട്ടിലേക്ക് മടങ്ങുകയായിരുന്നു.