കളിക്കുന്നതിനിടെ കഴുത്തിൽ കയർ കുരുങ്ങി വിദ്യാർഥി മരിച്ചു. പരപ്പിൽ എംഎംഎച്ച് സ്കൂൾ വിദ്യാർഥി പയ്യാനക്കൽ പടന്നവളപ്പ് മുഹമ്മദ് റിസ്വാൻ (12) ആണ് മരിച്ചത്.
വീടിന്റെ മുകൾ നിലയിൽ കളിക്കുകയായിരുന്നു കുട്ടി. ഭക്ഷണം കഴിക്കാൻ അമ്മ വിളിച്ചതിനെ തുടർന്ന് സഹോദരൻ മുകൾ നിലയിൽ കയറിയപ്പോഴാണ് റിസ്വാന്റെ കഴുത്തിൽ കയർ കുരുങ്ങിയ നിലയിൽ കണ്ടത്.
ഉടൻ ബീച്ച് ഗവ. ആശുപത്രിയിലെത്തിച്ചെങ്കിലും രക്ഷിക്കാനായില്ല. റഷീദ്- ജമീല ദമ്പതികളുടെ മകനാണ്. സഹോദരങ്ങൾ: റന, സിയാൻ