പീഡനശ്രമത്തെ പ്രതിരോധിച്ച യുവതിയെ തീകൊളുത്തി കൊലപ്പെടുത്തി. ജാര്ഖണ്ഡിലെ റാഞ്ചിയിലെ ഹസാരിബാഗിലാണ് ഏറെ ദാരുണമായ സംഭവം നടന്നത്.
ഈ മാസം ഏഴാം തീയതിയാണ് സംഭവം നടന്നത്. 23കാരിയായ യുവതി വീട്ടില് ഒറ്റയ്ക്കായിരുന്ന സമയം നാല് പേര് വീട്ടില് അതിക്രമിച്ച് കയറി പീഡിപ്പിക്കാന് ശ്രമിക്കുകയായിരുന്നു.
എന്നാല് യുവതി പ്രതിരോധിച്ചതോടെ അക്രമാസക്തരായ ആക്രമികള് പെട്രോള് ഒഴിച്ച് തീകൊളുത്തി യുവതിയെ കൊല്ലാന് ശ്രമിച്ചു.
ശരീരത്തില് 70 ശതമാനത്തോളം പൊള്ളലേറ്റ യുവതി റാഞ്ചിയിലെ റിംസ് ആശുപത്രിയില് ചികിത്സയില് കഴിയുന്നതിനിടെയാണ് മരിച്ചത്.
സംഭവത്തിലെ നാല് പ്രതികളില് മൂന്നുപേരും യുവതിയുടെ ബന്ധുക്കളാണ്. ഇവര് ഒളിവിലാണ്. ഇവരെ ഉടന് കണ്ടെത്തുമെന്ന് പോലീസ് അറിയിച്ചു.