കൊച്ചി: ഫോർട്ട്‌ കൊച്ചിയിൽ അമിത വേഗത്തിലെത്തിയ സ്വകാര്യ ബസിടിച്ച് ബൈക്ക് യാത്രക്കാരനായ നേവി ഉദ്യോഗസ്ഥൻ മരിച്ചു. തിരുനെല്‍വേലി സ്വദേശി പി. ബാലസുബ്രഹ്‌മണ്യൻ (27) ആണ് മരിച്ചത്.
ഞായറാഴ്ച രാത്രി 7.30ന് ഫോർട്ടുകൊച്ചി കെ.ബി. ജേക്കബ് റോഡിലാണ് അപകടം ഉണ്ടായത്. അമിത വേഗത്തിലെത്തിയ മാഞ്ഞൂരാന്‍ എന്ന് പേരുള്ള ബസാണ് ഇദ്ദേഹത്തെ ഇടിച്ചത്. അപകടത്തിന് പിന്നാലെ ബസ് ജീവനക്കാര്‍ ഓടിരക്ഷപെട്ടു.
ബസ് പൊലീസ് കസ്റ്റഡിയിൽ എടുത്തിട്ടുണ്ട്. ഫോർട്ടുകൊച്ചി ദ്രോണാചാര്യയിലെ പെറ്റി ഓഫീസറാണ് സുബ്രഹ്മണ്യൻ.
