മാനന്തവാടി: നിര്മാണത്തിലിരുന്ന വീട് നനക്കുന്നതിനിടെ ഉണ്ടായ അപകടത്തില് വയോധികക്ക് ദാരുണന്ത്യം. വീടിന്റെ ടെറസിന് മുകളില് നിന്നും താഴെ വീണ് വയോധികയായ വീട്ടമ്മ മരിച്ചു. അപ്പപ്പാറ അരമംഗലം മഠത്തില് വീട്ടില് കൗസല്യ(65)യാണ് മരിച്ചത്. ഭര്ത്താവിനൊപ്പം ടെറസിന് മുകളില് നനക്കാന് കയറിയ കൗസല്യ കാല് തെറ്റി താഴെ വീഴുകയായിരുന്നെന്ന് ബന്ധുക്കള് പറഞ്ഞു.
ഉടന് മാനന്തവാടിയിലെ വയനാട് മെഡിക്കല് കോളേജിലെത്തിച്ചെങ്കിലും യാത്രാമധ്യേ മരണപ്പെടുകയായിരുന്നു. ഭര്ത്താവ്: ബാലകൃഷ്ണന്. മക്കള്: ബിന്ദു, സിന്ധു, സതീഷ്, ബിനീഷ്. സംസ്കാരം ഇന്ന് ഉച്ചക്ക് ഒരു മണിക്ക് വീട്ടുവളപ്പില് നടക്കും. അതേ സമയം ഇന്നലെ കൂട്ടുകാര്ക്കൊപ്പം ചെക്ഡാമില് കുളിക്കാനിറങ്ങി മുങ്ങി മരിച്ച നൂല്പ്പുഴ നെന്മേനിക്കുന്ന് കോട്ടൂര് അടക്കാമാങ്ങ കോളനിയിലെ ചന്ദ്രന്റെ മകന് ആകാശ് (15) ന്റെ സംസ്കാരം ഇന്ന് നടക്കും. സുല്ത്താന്ബത്തേരി താലൂക്ക് ആശുപത്രിയിലെ പോസ്റ്റുമാര്ട്ടം നടപടികള്ക്ക് ശേഷം മൃതദേഹം വീട്ടിലെത്തിക്കും.
ഇന്നലെ വൈകുന്നേരം മൂന്നരയോടെ മുത്തങ്ങക്കടുത്ത കല്ലൂരിലെ പുഴക്ക് കുറുകെ മണ്ണൂര്ക്കുന്നില് നിര്മിച്ച ചെക്ഡാമിലായിരുന്നു അപകടം. ആകാശും കൂട്ടുകാരായ നാലുപേരുമാണ് ഡാമില് കുളിക്കാനെത്തിയത്. നീന്തിക്കുളിക്കുന്നതിനിടെ ആകാശ് മുങ്ങിതാഴുകയായിരുന്നു. കൂട്ടുകാര് രക്ഷിക്കാന് ശ്രമിച്ചെങ്കിലും ഡാമിലെ ചെളിയില് കുടുങ്ങിയത് വിനയായി. പിന്നീട് ബത്തേരിയില് നിന്നെത്തിയ ഫയര്ഫോഴ്സും പോലീസും നാട്ടുകാരും ചേര്ന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. അപകടമുണ്ടായ സ്ഥലത്ത് രണ്ടാള് പൊക്കത്തില് വെള്ളമുണ്ടായിരുന്നു. മൂലങ്കാവ് ഹയര് സെക്കണ്ടറി സ്കൂളിലെ പത്താം ക്ലാസ് വിദ്യാര്ത്ഥിയാണ് ആകാശ്. വിദ്യാര്ഥിയുടെ മരണത്തെ തുടര്ന്ന് സ്കൂളിന് അധികൃതര് ഇന്ന് അവധി നല്കി.