അണ്ടര്‍ 19 വനിതാ ട്വന്‍റി-20 ക്രിക്കറ്റ് ലോകകപ്പിനുള്ള ഇന്ത്യന്‍ ടീമിനെ ഷഫാലി വര്‍മ നയിക്കും. ഷഫാലിയെ കൂടാതെ ഇന്ത്യൻ താരം റിച്ചാ ഘോഷും ടീമിലുണ്ട്. സീനിയർ ടീം താരങ്ങളായ ഇരുവരെയും ഐസിസിയുടെ അനുമതി നേടിയതിന് ശേഷമാണ് ബിസിസിഐ ടീമിൽ ഉൾപ്പെടുത്തിയത്.
ശ്വേതാ ഷെഹ്‌റാവത്താണ് വൈസ് ക്യാപ്റ്റന്‍. ജനുവരി 14 മുതല്‍ 29 വരെ ദക്ഷിണാഫ്രിക്കയിലാണ് പ്രഥമ അണ്ടര്‍ 19 വനിതാ ലോകകപ്പ് നടക്കുക.
ഇന്ത്യ അണ്ടർ 19 ടീം: ഷഫാലി വര്‍മ, ശ്വേതാ ഷെഹ്‌റാവത്ത്, റിച്ചാ ഘോഷ്, തൃഷ.ജി, സൗമ്യ തിവാരി, സോണിയ മെഹ്ദിയ, ഹര്‍ളി ഗാല, ഹൃഷിദ ബസു, സോനം യാദവ്, മന്നത്ത് കശ്യപ്, അര്‍ച്ചനാ ദേവി, പര്‍ഷവി ചോപ്ര, ടിതാസ് സന്ധു, ഫലക് നസ്, ഷബ്‌നം എംഡി.
