ഹിമാചൽപ്രദേശ് തെരഞ്ഞെടുപ്പിൽ വിജയം സമ്മാനിച്ച ജനങ്ങൾക്ക് നന്ദി പറഞ്ഞ് എഐസിസി ജനറൽ സെക്രട്ടറി പ്രിയങ്ക ഗാന്ധി. കോൺഗ്രസിന് അനുകൂലമായ വിധി നൽകിയ ജനങ്ങൾക്ക് നന്ദി അറിയിക്കുന്നു. സംസ്ഥാനത്തിന്‍റെ പുരോഗതിക്ക് വേണ്ടിയുള്ള സാധരണക്കാരന്‍റെ ജയമാണ് ഇതെന്നും പ്രിയങ്ക ട്വിറ്ററിൽ കുറിച്ചു.
ജയത്തിനായി പരിശ്രമിച്ച കോൺഗ്രസിന്‍റെ എല്ലാ പ്രവർത്തകർക്കും നേതാക്കൾക്കും ആശംസകൾ അറിയിക്കുന്നു. നിങ്ങളുടെ കഠിനാധ്വാനം ഫലം കണ്ടെന്നും പ്രിയങ്ക കൂട്ടിച്ചേർത്തു. സംസ്ഥാനത്ത് കോൺഗ്രസിന്‍റെ പ്രചാരണ പരിപാടികൾക്ക് നേതൃത്വം നൽകിയത് പ്രിയങ്ക ഗാന്ധിയായിരുന്നു.
നേരത്തെ, കോണ്ഗ്രസ് മുൻ അധ്യക്ഷൻ രാഹുൽ ഗാന്ധിയും ഹിമാചൽപ്രദേശിലെ ജനങ്ങൾക്ക് നന്ദി പറഞ്ഞിരുന്നു. തെരഞ്ഞെടുപ്പ് വാഗ്ദാനങ്ങൾ കഴിയുന്നത്ര വേഗത്തിൽ നിറവേറ്റുമെന്നും രാഹുൽ ജനങ്ങൾക്ക് ഉറപ്പ് നൽകി.
