അബുദാബി :ഗോൾഡൻ വിസാ ഉടമകൾക്ക് മാതാപിതാക്കളെ സ്പോൺസർ ചെയ്യാം. പത്തുവര്ഷത്തേക്കാണ് അനുമതി ലഭിക്കുക. അതേസമയം ഇതിനായി നിക്ഷേപ തുക കെട്ടിവയ്ക്കേണ്ടതില്ല.
ഒക്ടോബറിൽ നിലവിൽ വന്ന ഗോൾഡൻ വീസ ചട്ടങ്ങളുടെ ഭാഗമായാണ് മാതാപിതാക്കളെയും സ്പോണ്സര് ചെയ്യാൻ അനുമതി നൽകിയിരിക്കുന്നത്.
നിക്ഷേപതുക എടുത്ത് കളഞ്ഞതിന് പുറമേ മാതാപിതാക്കളെ സ്പോണ്സര് ചെയ്യാൻ നിശ്ചിത ശമ്പളം വേണമെന്ന വ്യവസ്ഥയും ഒഴിവാക്കി. മാതാപിതാക്കളെ സ്പോണ്സര് ചെയ്യുന്നതിന് 2800 ദിര്ഹം മുതൽ 3800 ദിര്ഹം വരെ ആണ് ചെലവ് വരിക.
മാതാപിതാക്കളുടെ ഏകസംരക്ഷകരാണ് തങ്ങളെന്ന സര്ട്ടിഫിക്കറ്റ് കോണ്സുലേറ്റിൽ നിന്ന് ഹാജരാക്കണം. നിലവില് യുഎഇയിലെ താമസ വിസക്കാര്ക്ക് ഒരു വര്ഷത്തേക്കായിരുന്നു മാതാപിതാക്കളെ സ്പോണ്സര് ചെയ്യാന് കഴിഞ്ഞിരുന്നത്.