ലോകകപ്പ് ഫുട്ബോളിൽ കാനഡയ്ക്കെതിരെ നടന്ന പോരാട്ടത്തിൽ ബെൽജിയത്തിന് ജയം. മറുപടിയില്ലാത്ത ഏക ഗോളിനായിരുന്നു ബെൽജിയത്തിന്റെ ജയം. 44-ാം മിനിറ്റിൽ മിച്ചി ബറ്റ്ഷൂവായി ആണ് ബെൽജിയത്തിനായി ഗോൾ വല കുലുക്കിയത്.
എട്ടാം മിനിറ്റിൽ കിട്ടിയ പെനാൽറ്റി ഡേവിസ് നഷ്ടപ്പെടുത്തിയത് കാനഡയ്ക്ക് കടുത്ത തിരിച്ചടിയായി. ഡേവിസ് എടുത്ത കിക്ക് അനായാസം തടഞ്ഞിട്ട് ഗോളി തിബോ കൊർട്ടുവ ബെൽജിയത്തിന്റെ രക്ഷകനായി. തോറ്റെങ്കിലും മികച്ച പ്രകടനമാണ് മത്സരത്തിൽ ഉടനീളം കാനഡ പുറത്ത് എടുത്ത്.