ടൊറോന്റോ: കാനഡയിലെ ടൊറോന്റയിലുണ്ടായ വാഹനാപകടത്തിൽ ഇന്ത്യൻ വിദ്യാർഥി കൊല്ലപ്പെട്ടു. ഷെറിഡാൻ കോളജിലെ വിദ്യാർഥിയായ ഹരിയാന കർണാൽ സ്വദേശി കാർത്തിക് സൈനി(20) ആണ് മരിച്ചത്.
സെന്റ് ക്ലെയർ അവന്യൂവിലെ യോംഗ് സ്ട്രീറ്റിൽ സൈക്കിളുമായി റോഡ് മുറിച്ച് കടക്കാൻ ശ്രമിക്കവേ, പാഞ്ഞെത്തിയ പിക്കപ്പ് ട്രക്ക് സൈനിയെ ഇടിക്കുകയായിരുന്നു. മുൻഭാഗത്ത് ഉടക്കിനിന്ന സൈനിയുടെ ശരീരം വലിച്ചിഴച്ച് കുറച്ച് ദൂരം ട്രക്ക് മുന്നോട്ട് പോയിരുന്നു. സംഭവത്തിൽ കേസെടുത്ത് അന്വേഷണം ആരംഭിച്ചതായി പോലീസ് അറിയിച്ചു.