കോൺഗ്രസ് നേതാവ് രാഹുൽ ഗാന്ധി നയിക്കുന്ന ഭാരത് ജോഡോ യാത്രയിൽ എഐസിസി ജനറൽ സെക്രട്ടറി പ്രിയങ്ക ഗാന്ധി ഇന്ന് അണിചേരും. പദയാത്ര ഇന്ന് മധ്യപ്രദേശിൽ പ്രവേശിക്കുന്പോഴാണ് പ്രിയങ്ക യാത്രയുടെ ഭാഗമാകുന്നത്.
ആദ്യമായാണു പ്രിയങ്ക ഭാരത് ജോഡോ യാത്രയുടെ ഭാഗമാകുന്നത്. നാലു ദിവസം പ്രിയങ്ക രാഹുലിനൊപ്പം യാത്രയുടെ ഭാഗമാകും. ബുർഹാൻപുർ ജില്ലയിലൂടെയാണു യാത്ര മധ്യപ്രദേശിൽ പ്രവേശിക്കുന്നതെന്ന് പിസിസി അധ്യക്ഷൻ കമൽനാഥ് പറഞ്ഞു.
