ഓച്ചിറയിൽ ഗുണ്ടകള് തമ്മിലുണ്ടായ ഏറ്റുമുട്ടലിൽ മൂന്നു പേര്ക്ക് വെട്ടേറ്റു. ഓച്ചിറ, മേമന അനന്ദു ഭവനത്തില് അനന്ദു (26), വള്ളികുന്നം മണക്കാട് വൃന്ദാവനത്തില് പങ്കജ് (31), മേമന കണ്ണാടി കിഴക്കതില് ഹരികൃഷ്ണന് (26) എന്നിവര്ക്കാണ് വെട്ടേറ്റത്.
ഓച്ചിറ കല്ലൂര്മുക്കിന് സമീപംവച്ചാണ് ആക്രമണം നടന്നത്. സംഭവത്തില് കായംകുളം സ്വദേശികളായ ഷാന്, ഷിയാസ്, കണ്ടാലറിയാവുന്ന മറ്റ് മൂന്നുപേര്ക്കെതിരെ ഓച്ചിറ പോലീസ് കേസെടുത്തു. ഒരേ ഗുണ്ടാസംഘത്തിലെ അംഗങ്ങളും സുഹൃത്തുക്കളുമാണിവര്.
ഷാനും പങ്കജും തമ്മില് ഫോണില് സംസാരിച്ചപ്പോളുണ്ടായ തര്ക്കമാണ് ആക്രമണത്തില് കലാശിച്ചത്.