അധോലോക കുറ്റവാളി ദാവൂദ് ഇബ്രാഹിമിനും ഡി കമ്പനിക്കുമെതിരേ നീക്കം ശക്തമാക്കി ദേശീയ അന്വേഷണ ഏജന്സി. ദാവൂദ് ഇബ്രാഹിമിനെപ്പറ്റി വിവരം നല്കുന്നവര്ക്ക് 25 ലക്ഷം രൂപ പാരിതോഷികം എന്ഐഎ പ്രഖ്യാപിച്ചു.
ദാവൂദിന്റെ അടുത്ത അനുയായി ഛോട്ടാ ഷക്കീലിനെ കുറിച്ച് വിവരം നല്കിയാല് 20 ലക്ഷം രൂപയും സംഘത്തില്പ്പെട്ട അനീസ് ഇബ്രാഹിം, ജാവേദ് പട്ടേല്, ഇബ്രാഹിം മുഷ്താഖ്, അബ്ദുള് റസാഖ് മേമന് എന്നിവരെ പറ്റി വിവരം നല്കിയാല് 15 ലക്ഷം വീതവും പാരിതോഷികം നല്കുമെന്ന് എന്ഐഎ അറിയിച്ചു.
അന്താരാഷ്ട്ര ഭീകര ശൃംഖലയായ ഡി കമ്പനി നിരവധി ക്രിമിനല് പ്രവര്ത്തനങ്ങളാണ് നടത്തിവരുന്നത്. വ്യാജ ഇന്ത്യന് കറന്സി നിര്മാണം, ആയുധക്കടത്ത്, മയക്കുമരുന്ന് കടത്ത് തുടങ്ങിയ കുറ്റകൃത്യങ്ങളില് ഡി കമ്പനി ഉള്പ്പെട്ടിട്ടുണ്ട്.
1993ലെ മുംബൈ സ്ഫോടന പരമ്പരകളുടെ ആസൂത്രകനും ദാവുദ് ഇബ്രാഹിമായിരുന്നു. നേരത്തെ ദാവൂദ് ഇബ്രാഹിമിനെ ഐക്യരാഷ്ട്രസഭ ആഗോള ഭീകരനായി പ്രഖ്യാപിച്ചിരുന്നു