എകെജി സെന്റർ ആക്രമണക്കേസിലെ പ്രതി ജിതിനെ റിമാൻഡ് ചെയ്തു. നാലു ദിവസത്തെ പോലീസ് കസ്റ്റഡി അവസാനിച്ചതിനെ തുടർന്നാണ് ജിതിനെ ഒക്ടോബർ ആറു വരെ റിമാൻഡ് ചെയ്തത്.
ജിതിന്റെ ജാമ്യാപേക്ഷ ചൊവ്വാഴ്ച പരിഗണിക്കും. തിരുവനന്തപുരം ഒന്നാം ക്ലാസ് ജുഡീഷൽ മജിസ്ട്രേറ്റ് കോടതിയാണ് കേസ് പരിഗണിച്ചത്.
പടക്കം എറിയുവാൻ പ്രതി ഉപയോഗിച്ച സ്കൂട്ടർ കണ്ടെത്തിയതായി റിപ്പോർട്ടിൽ പറയുന്നില്ല. പ്രതി സംഭവദിവസം ഉപയോഗിച്ച ഷൂ കണ്ടെത്തി. ടി ഷർട്ട് വേളി കായലിൽ ഉപേക്ഷിച്ചതായി പ്രതി പറഞ്ഞു എന്നു പോലീസ് റിപ്പോർട്ടിൽ വ്യക്തമാക്കി. ഇതു കണ്ടെത്തിയില്ല. ഇതേത്തുടർന്ന് ടീ ഷർട്ട് വാങ്ങിയ കടയിൽ കൊണ്ടുപോയി തെളിവെടുത്തു