യുവേഫ ചാന്പ്യൻസ് ലീഗിൽ ഡൈനാമോ സാഗ്രെബിനോടേറ്റ 4-1 തോൽവിയോടെ സ്ഥാനം നഷ്ടമായ തോമസ് ടുഷേലിന് പകരം ഗ്രഹാം പോർട്ടർ ചെൽസി പരിശീലകനാകും. നിലവിൽ പ്രീമിയർ ലീഗ് ക്ലബായ ബ്രൈറ്റന്റെ പരിശീലകനാണ് പോർട്ടർ.
ശനിയാഴ്ച ക്ലബിനോടൊപ്പം ചേരുന്ന പോർട്ടറുടെ പരിശീലക സ്ഥാനത്തുള്ള ആദ്യ പ്രീമിയർ ലീഗ് മത്സരം വൈകും. എലിസബത്ത് രാജ്ഞിയുടെ നിര്യാണത്തോടനുബന്ധിച്ച ദുഃഖാചരണം മൂലം ബ്രിട്ടനിൽ കായിക മത്സരങ്ങൾ റദ്ദാക്കിയതോടെയാണിത്.
2019 മുതൽ ബ്രൈറ്റൻ സംഘത്തിലുള്ള പോർട്ടർ ക്ലബ് ചരിത്രത്തിലെ ഏറ്റവും മികച്ച പ്രീമിയർ ലീഗ് പ്രകടനമായ 51 പോയിന്റുകൾ നേടിക്കൊടുത്ത പരിശീലകനാണ്. നിലവിൽ 13 പോയിന്റുമായി ബ്രൈറ്റൻ ലീഗിൽ നാലാമതും പത്ത് പോയിന്റുള്ള ചെൽസി ആറാം സ്ഥാനത്തുമാണ്.