വൈറൽപനി പടരുന്ന സാഹചര്യത്തിൽ പുതുച്ചേരിയിലെയും കാരയ്ക്കലിലെയും സ്കൂളുകളിലെ ഒന്ന് മുതൽ എട്ട് വരെയുള്ള ക്ലാസുകൾക്ക് സെപ്റ്റംബർ 18 മുതൽ 25 വരെ സർക്കാർ അവധി പ്രഖ്യാപിച്ചു.
കനത്ത മഴ തുടരുന്നതിനാൽ പുതുച്ചേരിയിൽ വൈറൽപനി വ്യാപകമായി പടരുന്നുണ്ട്. കുട്ടികളിൽ വൈറൽപനി ശ്വാസതടസം പോലുള്ള പ്രശ്നങ്ങൾ സൃഷ്ടിക്കുന്നതായി റിപ്പോർട്ടുകൾ വന്നതിന്റെ പശ്ചാത്തലത്തിലാണ് നടപടി.
സർക്കാർ ആരോഗ്യ സംവിധാനങ്ങളെ താറുമാറാക്കുന്ന രീതിയിൽ രോഗം പടരാതിരിക്കാനാണ് നിയന്ത്രണങ്ങളെന്ന് അധികൃതർ അറിയിച്ചിട്ടുണ്ട്. ജനങ്ങൾ ആശങ്കപ്പെടേണ്ടെന്നും ശുചിത്വവും രോഗപ്രതിരോധ മാർഗങ്ങളും പിൻതുടർന്നാൽ വൈറൽപനിയെ അകറ്റിനിർത്താമെന്നും അധികൃതർ കൂട്ടിച്ചേർത്തു.