വഖഫ്ബോർഡ് നിയമനങ്ങൾ പിഎസ്സിക്ക് വിട്ടത് റദ്ദാക്കാൻ മന്ത്രിസഭാ തീരുമാനം. കഴിഞ്ഞ ഒക്ടോബറിൽ നിയമസഭ പാസാക്കിയ ബിൽ സഭ റദ്ദാക്കും.
ബിൽ റദ്ദാക്കിക്കൊണ്ടുള്ള റിപ്പീലിംഗ് ബിൽ വ്യാഴാഴ്ച സഭയിൽ അവതരിപ്പിച്ച് പാസാക്കും. റദ്ദാക്കൽ ബില്ലായതിനാൽ ബില്ലിന്മേലുള്ള പതിവ് നടപടിക്രമങ്ങൾ ആവശ്യമില്ല. പ്രതിപക്ഷത്തിന്റെയും ആവശ്യമായതിനാൽ ഇതിൽ ചർച്ചയ്ക്ക് സാധ്യതയില്ല. മന്ത്രിസഭായോഗമാണ് റദ്ദാക്കൽ ബില്ലിന്റെ കരടിന് അംഗീകാരം നൽകിയത്.
സഭാസമ്മേളനത്തിനായി തയാറാക്കിയ കാര്യവിവരപ്പട്ടികയിൽ ബിൽ ഉൾപ്പെട്ടിട്ടില്ല. വഖഫ് ബോർഡ് നിയമനങ്ങൾ പിഎസ്സിക്ക് വിട്ട തീരുമാനത്തിനെതിരെ മുസ്ലിം സംഘടനകൾ രംഗത്ത് എത്തിയിരുന്നു.
ബിൽ പാസാക്കി നിയമമായെങ്കിലും മുസ്ലിം സംഘടനകൾ എതിർപ്പുയർത്തിയതിനാൽ ഇതുവരെ അതനുസരിച്ചുള്ള തീരുമാനം മരവിപ്പിച്ച് നിർത്തിയിരിക്കുകയായിരുന്നു